جلطة في القلب

جوة جوف القلب طارح

فرع دَم

لونه أحمر بس مطفي

صوته حاضر بس مخفي

هو فرع عبيط

أصَم

تحت ثقل دهونه مكفي

رغم إنه لاعمره داق

ولا عمره شاف

ولا عمره شَم

ولا عنده كان من أصله فم

ولا قال في يوم

هاتولي مَم

دلوقتي جاي جرّاح عنيد

في إيديه مشارط من حديد

يقطع في لحمه من بعيد

حرام يا ناس

ماتقوم يا عَم

حاتموت سجين وسط الضلوع

يكفيك حنين

يكفيك دموع

يكفيك أنين

يكفيك خضوع

حاتموت يا قلب

بزيادة همّ