Pages

ألـف سـلامـة




تمر الساعات ثقيلة

وأنا في إنتظار خروج الطبيب ليخبرنا أن كل شيء قد إنتهى

وأن معاناتك التي لاقيتها على مدار سنتين

لن تكون بعد الآن

أنظر إلى الباب المعدني الكبير

باب غرفة العمليات

الذي يفصلني عنك

وأشعر أنه حائط من الفولاز

أسترق السمع

ربما أسمع صوتك

تتكلم

تتأوه

تبكي

فقط أريد أن أسمع منك أي شيء

لكن دون جدوى

أتذكر لحظة دخولك إلى غرفة العمليات

وأشعر أنها كانت منذ سنوات

رغم أنني لم أغادر الطابق السادس بعد

عمر

لم أكن أعرف أنني أحبك إلى هذة الدرجة

نظرات عينيك قبل لحظات

عندما كنّا أنا و أنت نلعب سويا

لا تفارق ذاكرتي

بسمتك البريئة

وشعوري بأنني أخون ثقتك في

عندما تركتك مع هؤلاء الغرباء و خرجت

صحيح أنهم سيعالجوا ما بك من متاعب

لكني أشعر بوحدتك

وإفتقادك لي أنا و أمك

حبيبي

إبني

كم أشتاق لصوت ضحكتك المجلجل

كم أشتاق لبسمتك البريئة

الشقية

ولمساتك الحانية جدا

وأنت تربت على كتفي وأنا أحملك

فالحياة في هذة الدنيا

لا تطيب إلا بك

ولا تحلو إلا بوجودك

فأنت تتويج لحبي لأمك

وصورة لعشقي لها وهيامي بها

لكن صورة من لحم و دم

وبسمات

ودموع

شفاك الله يا بني

وعافاك من كل شر

يا روحي التي خارج جسدي

ألف سلامة


21 comments:

Wanda said...

حمد الله على سلامته

بس جمد قلبك يابابا
اصل الايام الجاية
و المستقبل
حيروح و حيرجع
و لكنه ديما جواكم

ستيته حسب الله الحمش said...

الف حمد لله على سلامة عمر يا وليد
الحمد لله
ربنا يطمن قلوبكم والحمد لله عملية بسيطة وعمره يارب ما يشوف شر ابدا

ربنا ما يحرمك منه ولا يحرمه منك ابدا
ويخلي بوبو حبيبة قلبكم انتم الأتنين

فاتيما said...

مينفعشى يا وندا

دا عذرائى البرج يا ماما

يعنى الحنية كلهاااااااا

حمدلله على سلامة عمورة يا وليد

الف مليون حمدلله على سلامته

ربنا يحرسه و يخليه ليكم و تخاووه

شكراً لأنكم بتطمنونا يا جماعة

صبرني يارب said...

الحمد لله تعالى

حمد الله على سلامته وربنا يكرمكم ان شاء الله فيه ويتم شفاه على خير

الى انت كاتبه ده وجعني اوي على فكره وفكرني بيوم عملية خالد وكان عمره شهر واصلا كان زي الايام دي
وان شاء الله ربنا يشفيه ويكبر ويغلبكم زي ما خالد مطلع روحي حاليا
هههههههههههههههههههه
ربنا يباركلكم فيه يارب ويكرمكم ان شاء الله
بوسهوووووووولي بليز يا استاذ وليد

blackshwak said...

ألف سلامه عليه
يارب يكون بخير
ويكون بقي تمام

اللهم أتم شفاءه
أمين يارب

كيكى عوووووو said...

الف حمد الله على السلامه

bos bos بسمه عبدالباسط said...

حمدالله على سلامتة ويارب دايما يبقى بخير وصحة
انا فعلا حسيت من صوتك بقلق كبير علشان كده ما حبتش أتصل وأقلقك لحد ما أطمن منكم عليه

وحمدالله على سلامتة مرة تانية وبلغ سلامى لهبه

Wanda said...

حتقوليلى انا على العذراء يا فطوم:-))

الله يعينك على قلبك يا استاذ وليد
يبان جامد
بس من جواه ناعم نعومه السحاب
و مبيستحملش على احبابه حاجة

مادمت عذرائى يبقى مش محتاج دعوة جمد قلبك لانه اكيد جامد:-))
بس ربنا يبعد عندك كل المواقف الصعبة و الموجعة
و تكون الايام كلها حلوة

حفيدة عرابى said...

الف سلامة عليه
ربنا يسعدكم ببره وقربه
أجمل وصف لمشاعر الابوة قرأته حقيقى
ربنا مايحرمكمش منه أبدا

reem said...

الف الف حمد لله على سلامة عمر يا استاذ وليد

ربنا يتمم شفاه على خير

ويطمن قلبك انت وبوبو عليه يارب

ربنا يخليه لكم يارب وتفضل بسمته ولعبه وضحكته ماليه عليكم الدنيا

وربنا يبارك لكم فيه يارب

ـ-ـ- أحمد عبد العدل-ـ-ـ said...

حمد الله على السلامة يابو عمر
ربنا يتم شفاه يارب على خير
هتطمننا أول بأول إن شاء الله
يارب مأجورين على قلقكم
حمد الله على السلامة

لولا وزهراء said...

اول زياره لنا هنا
يااااااااارب يجعل وشنا حلو ويتمم شفاء ابنك على خير
ربنا يفرح قلبك به ويقر عيونك به
يااااااااارب يحقق كل احلامك فيه

بت خيخة وأي كلام said...

ازيك يا وليد
انا حاولت اتصل بهبة النهاردة
علشان اطمن على عمر
لكن تليفونها كان مقفول

ارجو من الله سبحانه وتعالى انه عمر يكون قام بالسلامة واتطمنتوا عليه وضحكته رجعت تجلجل


سلام
اختك خيخة

sony2000 said...

استاذ وليد
انا اول مره اعلق هنا وبأذن الله موش هتكون اخر مره ابدا
حمدلا علي سلامه عمر ويارب احرسه ديما يارب
تقبل مروري وتحياتي

KING TOOOT said...

Wanda
الله يسلمك
ماأنا مجمد قلبي أهه
وإنشاء الله المستقبل حايكون ممتاز
________________
ستيتة
الله يسلمك يا دكتورة
وآمييييين على كل الدعوات الحلوة دي
سلام خاص مننا و من بوبو
_________________
فاتيما
شوفي بقى
لأننا بنعتبرك واحدة من العيلة
يعني خالته و عمته في نفس الوقت
فأنا مش حاأقول لك الكلام المعتاد
إنما حاأستنا لما تشوفيه قريب و تسلمي عليه بنفسك
إتفقنا ؟
___________________
صبرني يا رب
ماأنتي عارفة
وجع الأبن غير أي وجع
حتى لو الوجع ده لمصلحته
ربنا يخلي لكم خالد و يبارك لكم فيه
وإن شاء الله يكون هو وعمر صحاب
سلامي ليكي و لزوجك العزيز
خالص تحياتي
__________________
blackshwak
الله يسلمك يا صديقي العزيز
وأشكرك على دعوتك الجميلة
ونقول ورااااك
آميييييين
___________________
كيكي عوووووو
الله يسلمك
أشكرك على المرور و التعليق
___________________
بسمة عبد الباسط
يابنتي إنتي كنتي بتكلميني وهو جوة العمليات و لسه حتى مافيش أي خبر كان خرج من جوه
كنت قلقان جدا
وهبة كمان كانت حاتموت من القلق
بس هو الحمد لله بقى كويس دلوقت
إدعي له بقى لغاية ماتشوفيه بنفسك
__________________
Wanda
والله يا واندا هو بس موضوع الأبراج ده أنا مش فاهمه
بس مادام فاتيما قالت إن رجل برج العذراء حنين
يبق حنين
مع أني مش شايف إني حنين ولا حاجة
بس بجد أنا مشكلتي لو حد باحبه في موقف صعب
دي صح
بأبقى مش على بعضي وعايز أحل الأزمة بأي شكل وبأي ثمن
المهم إن الشخص ده يرتاح
بس الحمد لله أحبابي في الدنيا قليليين جدا
هههههههههههههههههه
وإلا كانت تبقى مشكلة
____________________
حفيدة عرابي
أشكرك وخالص تحياتي
بجد إحساس الأب وإبنه في موقف صعب بيبقى موجع جدا
____________________
reem
كل دي دعوات
يارب تكون من نصيبنا إن شاء الله
خالص تقديري لزيارتك و تعليقك
____________________
أحمد عبد العدل
الله يسلمك يا صديقي
الحمد لله إن ربنا وقف معاه و معانا و كمان الحمد لله إن ربنا خلى لنا أصحاب طيبين زيك
أشكرك على تعليقك و دعائك لنا
وكمان بأفرح قوي لما حد يقول لي
أبو عمر
أشكرك جدا على دي كمان
____________________
لولا و زهراء
الف شكر على زيارتكن الأولى
ويارب ماتكونش الأخيرة
تحياتي
____________________
خيخة
هو الحمد لله كويس
صحيح لسه مش بيجلجل قوي
بس صحته احسن والحمد لله
وأنا مطمئن جدا
بوبو كان تليفونها فاصل شحن من كتر المكالمات إللي جت لها من الصبح لغاية ما فضوا لها البطارية
حظنا وحش إننا ماسمعناش صوتك
وسلام مخصوص للبنت خيخه
___________________
sony2000
أشكرك على المرور
وأشكرك على التعليق
خالص مودتي و ترحيبي
___________________
KING TOOOT

محمد فؤاد (صاحب عمود النور) said...

الف حمد لله على السلامة
يارب يقوم ويرجعلك تانى متعافى وشافى

Wanda said...

:-))
"مع أني مش شايف إني حنين ولا حاجة
بس بجد أنا مشكلتي لو حد باحبه في موقف صعب ، دي صح
بأبقى مش على بعضي وعايز أحل الأزمة بأي شكل وبأي ثمن
المهم إن الشخص ده يرتاح بس الحمد لله أحبابي في الدنيا قليليين جدا "

تبقى عذرائى فعلا :-)))
اصلنا لينا غربال معين جوانا للحباب
:-)) و بعدين الابراج انا برضه مليش فيها بس ده سيم من فطوم :-))
للتاكيد عن الحنية :-)))
قصدها موصيش على الحنية و لا القوة

اصل تخيل فطوم من اول تعليقين تقولى احنا اصحاب :-)) رديت عليها بوستين عن الصحوبية قولت علشان اطفشها فطوم مش نقصانى :-))، بس على مين حد يقدر يقول لقلب فطوم لا:-))) ادينى وقعت السور و دخلت و احتلت :-))))
شوفت حوسة العذراء منغير اسوار القلب

المهم
مبروك الجايزة
:-)) رغيت كثير بس منسيتش :-))
و عمرو
اخباره ايه دلوقتى
عايزين تتطورات
يعنى اول ما يرجع يعمل شقاوة و دلع طمننا :-))

Baskouta said...

الف سلامة على القمر عمر
ان شاء الله يبقا زي الفل وربنا يحفظه دايما يارب من كل سوء
ربنا يطمنكوا عليه دايما
تحياتي لبوبو
ومبروك الجايزة
واشوفكم على خير ان شاء الله
تحياتي البسكوتية الفراولية لعمر

Mohammed said...

شكرا علي المجهود الرائع
http://hlestates.blogspot.com/
http://hl4estates.blogspot.com/
http://4uall2.blogspot.com/
http://ect4us.blogspot.com/
http://24allmarket.blogspot.com/

إنـســـانـة said...

ألف مليون سلامة لعمر وألف ألف بعد الشر عليه .. ربنا يخليهولكم ويباركلكم فيه ويقر عينكم بيه يارب اللهم آمين

ياسمين حميد said...

الحمد لله على سلامة عمر
ربنا يخليه لكم