02 July 2009 وحدة وطنية

بادرت صديقي السلام

فلم يرد لي التحية

لأني لم أحيه كما قال

بتحية الإسلام

و أكتفيت بتحية أجنبية

وعند وصولي إلى عملي

وجدت زميلي المسيحي

يتكلم عن التفرقة العنصرية

و يلعن الحاكم و الرعية

و في طريق الرجوع

قرأت في الجريدة

خبرا عن أقباط المهجر

الممولين من دولة عبرية

و خبرا آخر عن جماعة إرهابية

ممولة من دولة عربية

و عند وصولي إلى بيتي

فتحت التلفاذ

فإذا بذاك المسؤول الكبير

يتكلم عن الوحدة الوطنية

28 June 2009 حادث دنشواي

يا حاكم البُلدان

كان لي أخَوان

الأكبر .. مات بالجندية

أخذتوه ليحارب

فوجد نفسه يحارب الرعية

و يضرب الرعية

و يهتك عِرض الرعية

و عندما رفض الطاعة

و أكتَسَب المناعة

أخرجتوه من السرية

و قُتل

وقلتم أنه ضحية

أمّا الأصغر فوافته المنية

وهو في السجن مع الذئاب

بتهمة تتعلق بالثياب

و اللحية و الجلباب

و العمة و الطاقية

و الآن

لم يتبقى لأمي سواي

و هي منذ شهور لا تنام

إلا وترى في الأحلام

حادث دنشواي

19 June 2009 أوباما أوباما ... يا بابا و ماما


أوباما أوباما

يا بابا و ماما

يامليان وسامة

و زوق و إحترام

ياريتك يا غالي

تفوت الليالي

و تفهم يا خالي

ضرورة السلام

لبيتك و بيتنا

و قووتك و قووتنا

و طنط و خالتنا

و كل الكلام

عشاني و عشانك

و علشان عيالك

لابد لخيالك

يفك اللجام

لأنك يا ناصح

ماتعملش فالح

و تحدف قوالح

و تطلب غرام

ولا تفتكرشي

حاتسرق و تمشي

و تنهب في قرشي

و تخرج تمام

دا أنا مصري يابا

وواكل لــِبابه

و ساكن خرابه

و بأركب ترام

و باشرب مجاري

و بأكل ما جالي

ولا آخد في بالي

وآخر إنسجام

حاتثبت كرامة

و تلبس كمامة

حاتلقى السلامة

و تلقى الحمام

تسوق الرخامة

و تعمل دراما

حاتلقى الشهامة

بتقلب زكام

شتايم حاتسمع

و براغيت حاتلدع

و بكفوفنا نلسع

قفاك في الزحام

فياريت يا شاطر

تبطّل تخاطر

و تبعد مخاطر

عن العم سام

و تفهم يا "بودي"

لا عمر اليهودي

حايلغي وجودي

ولا في المنام

و لا عُمر شعبك

و شعبي إللي راعبك

مايتداس في كعبك

و كعب المدام

و لو مش مصدّق

فممكن تحقق

و ممكن تدقق

في كل النظام

حاتلقى الحقيقة

أمامك جريئة

و زي الحريقة

في وسط الغمام


11 June 2009 عشق كامل

النسايم فوق جبينها

فارده خصلة شعر طايرة

سارقة طرف الطرحة منها

رايحة تهرب بس حايره

و العيون مفتوحة دايما

بس دايما مكسوفين

و الخدود مبتسمة دايما

و الشفايف فرحانين

كفّها في إيديا ساكن

كل مره بيستخبه

و الرموش مفروده لكن

خجلانين خَجَل المحبه

و الكلام مابيننا همس

و المشاعر رايحه جايه

و إبتسامة روحها شمس

و القمر في جبينها هيَّ

هي روحي وروحي فيها

عمري كله مش كفاية

لو في يوم أهديه إليها

من بدايته للنهاية

12 February 2009 فرحة تحرس باب عيوني

لما أغمض عيني صدفة

ألقى صورتك تستخبى

بين جفوني

أفتح الجفنين شوية

ألقى فرحة واقفة تحرس

باب عيوني

و أما بأنطق مرة إسمك

روحي تسبق نور حروفه

ع الشفايف

و ألقى قلبي نبضه يجري

رغم أنه مالوش عيون

بس شايف

يا حبيبتي أنا ظل سارق

كل نور الدنيا ليكي

يا حبيبتي أنا بحر غارق

موجي سابني وراح عليكي

يا حبيبتي أنا نيل و طمي

لما تبقي نخيل وورد

يا حبيبتي أنا نور و ضي

لما تبقي ليل و برد

يا حبيبتي أنا ملك إيدك

بالمشاعر

و إنتي شعري لو في يوم

بقى إسمي شاعر