Pages

جلطة في القلب


جوة جوف القلب طارح

فرع دَم

لونه أحمر بس مطفي

صوته حاضر بس مخفي

هو فرع عبيط

أصَم

تحت ثقل دهونه مكفي

رغم إنه لاعمره داق

ولا عمره شاف

ولا عمره شَم

ولا عنده كان من أصله فم

ولا قال في يوم

هاتولي مَم

دلوقتي جاي جرّاح عنيد

في إيديه مشارط من حديد

يقطع في لحمه من بعيد

حرام يا ناس

ماتقوم يا عَم

حاتموت سجين وسط الضلوع

يكفيك حنين

يكفيك دموع

يكفيك أنين

يكفيك خضوع

حاتموت يا قلب

بزيادة همّ

11 comments:

لــــ زهــــــراء ــــولا said...

هو اول زياره وكمان اول تعليق

زهراء

لــــ زهــــــراء ــــولا said...

بصراحه كده انا اتخضيت من العنوان
بس لما دخلت وقرات حسيت بمشاعر قلب رقيق جدا جدا
على فكره اللى ممكن يتعب القلب مش دهون او اكل مش صحى لكن كتر الهموم والحزن هى اللى تتعب القلب والكلى والكبد وكل حاجه كمان
ربنا يكتب لك الصحه والسعاده ويبعد عنا وعنك الامراض والهموم
تقبل اطيب الامنيات بالسعاده

زهراء

فاتيما said...

ازيك يا غالى
و كالعادة الشعر جميل
و فكرته أجمل



طول عمرى بفكر
فى الحكاية دى
و تمخولنى قوى


و انا صغيرة كنت استغرب جدااا
الدموع بتيجى ازاى ؟؟؟
و انا مقولتش لعينى
نزلى دموع لما اخاف او ازعل

طب
بتنزلهم لوحدها
ازاى ؟؟



لما كبرت
بقيت استغرب اكتر

ليه معدتى تألمنى
عشان بس افتكرت حاجة عكننتنى


و ساعات احس بجسمى كله واجعنى
لأنى حزينة النهاردة
و مش عاوزة اقوم حتى من سريرى
مع انى كويسة
و مبشتكيش من حاجة

العلاقة الخفية
بين الروح و الجسد
دى يا ترى هييجى يوم
و البنى آدم يقدر يشوفها
و يلمسها بإيده ؟؟؟



و لا هتفضل إنفيزبول علطول
تتحس و متتشافشى ؟؟


على فكرة
انتا و بوبو و عمر بيكا
معزومين على عيد ميلاد عيالى
بسكوتة و عادل
لما نحدد اليوم و المكان
هقولكم علطول

بس اعملوا حسابكوا من دلوقتى
و هبعت التفاصيل
لبوبو ايميلياً
ماشى؟؟

طيييييييييب


خالص ودى و إحتراماتى
سلام يا راعى الملك

القدر و انا said...

وليد
اد ايه كلماتك جميلة
وصف القلب وصوته
وليه شال الهم رغم عمره
ما داق ولا شاف ولا شم ولا كان عنده فم
الحقيقة كلمات اقف امامها جميعا منبهرة
تحياتى

Unknown said...

يبعد عنك
وعنا وعن الناس
كــلهم يارب جلطات
القلب المادية والمعنوية
كلمات رقيقة لكن حزينة.

صبرني يارب said...

جميله اوي يا استاذ وليد

التشبيهات قويه اوي بجد

بس ايه ده انت مذاكر الجهاز الدوري كويس
اصلي باذاكر اجهزة الجسم مع مريم الايام دي تلاقيها ناقحه عليا بقى
هههههههههههههههه

تسلم اديك

Ms Venus said...

بجد تسلم ايدك



كلمات جميلة اوى حسيتها جدا





تحية ليك ولقلمك الرائع

سواحة said...

:-)

فرع عبيط اصم
علشان مش عايز يقوم
لازم الجرح يأن

صح
قوم ياقلبى

ستيتة said...

ايه يا عم
ها اعمل لك زي كورمبو
متوتوروناش
ان شاء الله خاطرة حلوة بس
صح
ربنا يبعد عنا كلنا الأذى
ويظل هذا القلب ابو فيونكة حمرا ينبض ويحب اللي حواليه
وكفاية عليه المشارط المعنوية المؤلمة
من مواقف مع بشر عجيبة
وده بيعتبر نوع من مشارط تكفير الذنوب وزيادة الخبرات

ومتموتش يا قلب بزيادة الهم
اجمد كده وخليك جدع
اصبر يا قلب
دي الجنة سلعة غالية
ما يلقاها الا الذين صبروا
"ده انا بقول لأبو فيونكة تبعي

تحياتي

KING TOOOT said...

زهراء
أهلا بيكي في مدونتي
سعيد بأول زيارة و أول تعليق
وسلامتك يا ستي من الخضة
وفعلا زي ما أنتي بتقولي ، الهموم أكثر فتكاً من السموم أحيانا
تحياتي و ترحيبي
______________________
فاتيما
منوراني يا فندم ، ومبسوط جدا إن القصيدة عجبتك
على فكرة ، تفاعل الروح و الجسد ده مش بس في الحزن و الفرح ، لا ، دا ساعات في القلق و ساعات في الخوف و في حاجات تانية كتير
هي حاجة تحير فعلا
وبخصوص العيد ميلاد
إحنا طبعا مش ممكن نتأخر على عادل و بسكوته
بس بلغينا قبلها بكام يوم علشان أظبط مواعيد الشغل
نورتينا يا أم يوسف
___________________
القدر و أنا
والله مش عارف أرد على تعليقك الجميل ده بإيه
الكلام بجد يعجز عن الشكر
ويارب كل كتاباتي تعجبك إن شاء الله
خالص شكري و إمتناني
____________________
norahaty
اللهم آميييين
يارب يبعد عننا كلنا أي حاجة وحشة
نورتيني
____________________
صبرني يا رب
مش بس الجهاز الدوري
ده لسه كمان قريب حانكتب حاجة عن الجهاز العصبي
عن المجانين يعني
هههههههههههههههههه
بس أنا شايلها مع إنتخابات الرئاسة إن شاء الله
لو لينا عمر يعني
خالص تحياتي
____________________
Ms Venus
سعيد إن كلماتي عجبتك
وسعيد أكثر إنك بتتابعي مدونتي
خالص مودّتي
____________________
wanda
ماهو عبيط
وأصم
علشان مش عايز يفهم
نورتيني يا أستاذة
____________________
ستيته
لا يا دكتورة
إطمني
القلب زي الفل و النبض منتظم و كرات الدم الحمرا و البيضة عايمين في بلوظة
ده بس كان فيه حد أعرفه بيتكلم عن جلطات القلب ، وهو أصلا دكتور ، فحسيت إنهم بيتعاملوا مع الفلب و الشريان كأنهم مش بيحسوا
لكن الصحة حديد والحمد لله
خالص تقديري و إحترامي
_____________________
KING TOOOT

egypt-panorama.com said...

منتديات بانوراما مصر منتدى مصرى للحوار والنقاش و يهتم ,أخبار مصر ,أخبار منوعة أخبار التعليم ونتائج الامتحانات اخبار الفن والفنانين الرياضة المصرية أفلام الموسم الرشاقة والتخسيس الموضة والمكياج والازياء كلمات الاغانى برامج مجانية تحسين نتائج البحث وعيرهم الكثير من المنتديات الفرعية .