Pages

يؤجة الخير ... قلوب الخير




علميني الخير بروحك

إللي خير الدنيا فيها

إللي مهما تكون جروحها

حب كل الناس ماليها

ضمّي أجمل المشاعر

جوة نفسي و أحضنيها

عرفيها الخير يا بوبو

وع المحبة أفطميها

____________________________________

عيون و عقول و أيادي بيضاء ، أتت من كل فج ، لتبهر أنظار سكان منطقة مصر القديمة في هذا اليوم ، فتيات و سيدات و شباب و رجال ، تجمعوا في هذا الركن المنزوي من الشارع الديق ، بعضهم تعارفوا من قبل في لقاءات سابقة ، وبعضهم يتعارفوا لأول مرة ، يجمعهم هدف واحد ، وفكرة واحدة ، هي تقديم المساعدات لأهالي تلك المنطقة ، أو على وجه الدقة ، للمعدمين من أهالي تلك المنطقة ، أكياس و أكياس ، تراصت فوق بعضها البعض ، لتكون تلّ ً من الخير ، وإذا كان الإناء دائما ينضح بما فيه ، فتلك الأكياس ( أو بؤج الخير كما فضلنا أن نسميها ) كانت تنضح كلها بالنور ، يخرج من ثنايا الثياب و الأغراض الموضوعه بداخلها ، ليشرق على وجوه كل المتواجدين ، عيون تملئها الفرحة و الفخر ، وأيادي لشباب طرح الله فيه البركة ، و منحها من الشهامة ما جعلها تأبا أن تسمح للجنس الناعم أن يحملن ما أتين به من خيرات ، فتهافتت لتحمل هذا التل الكبير في لحظات ، مسرعة لتوصله إلى المقر المتواضع لجمعية خيرية محترمة ، تؤدي دوراً عظيماً في ظروف أقل ما توصف بأنها قاسية و خانقة و محبطة إلى أبعد حد ، وجدتني أتسائل ، لماذا تحمّل كل هؤلاء مشقة المجيء و حمل هذة الأكياس الكبيرة إلى هنا ، في حي لا يعرفون فيه أحد ليساعدوا أناسا لم و لن يروهم أبدا ، وكانت إجابة زوجتي ببرائتها و بساطتها المعتادة ، علشان لسه بلدنا بخير ، تذكرت عدم إهتمامي بالموضوع في أول الأمر عندما قرأت عنه في المدونات ، بل قد أكون إستهنت به في باديء الأمر ، وعندما قالت لي زوجتي أنها متحمسة للذهاب ، وافقت ، وأنا لا أشعر بأي حماس ، فقط عندما وجدتها تفرز ملابسها بكل كد وإجتهاد لتخرج منها أفضل ما يمكنها التبرع به ، فقط في تلك اللحظة إنتبهت ، وبدأت أتعلم منها كيف يكون الخير ، بأن تكون مع من تساعد ، لا أن تلقي لهم الصدقات من علٍ ، و تستمتع بإراحة ضميرك النائم ، أنك قد أديت ما عليك ، فقط لحظتها ، تذكرت قول الله سبحانه و تعالى ، " لَنْ تَنَالُوا الْبِرَّ حَتَّى تُنْفِقُوا مِمَّا تُحِبُّونَ " ، لقد ضرب المدونون المتجمعين عند مسجد الزهراء يوم جمعة أمس ، مثلاً صارخاً على أنه مازال في هذا البلد قلب ينبض ، و عقل يعي ، وحفنه من ضمائر ، ترفض أن تقعد مع القاعدين ، ساكنه ملتاها عن إخوانُ لهم ، لا يكادون يرون الشمس ، من فرط ما تراكم عليهم من متاعب السنين ، أشكركم جميعاً أن فعلتم ما فعلتم ، وأشكر زوجتي أن علّمتني أن الخير الحقيقي ليس أن تساعد الناس بما فاض منك ، وإنما أن يكونوا هؤلاء الناس ، هم أنفسهم ، جزءً منك

15 comments:

فاتيما said...

يا خراااااشى يا وليد ؟!!
حتى البؤجة غرقت حب منك لبوبو
يا خوانا حرام عليكو
اللى بتعملوه فينا دا
مش قد الحب الجارف بتاعكو دا
هتخلونا نحب على روحنا !!!
ربنا يخليكم لبعض
و تعيشوا و تبأجوا معانا
..الخير زى هبة ما قالت
الحمدلله موجود ف القلوب
بس اللى يلاقى تشجيع و ثقة
فيطلعه
فرافيرو صورته منشورة
عند محمود الدوح
أصحاب عمورة بقوا سخصيات عالمية
و احنا مش عارفين
انتوا نورتونا امبارح
و بقيتم جزء من كل ايامنا الحلوة
و لن نرضى عن ذلك بديلا
ربنا يحرس عائلتكم الجميلة
و يصونكم من كل شر
و الخير يترد ليكم
أضعاف مضاعفة
إن شاء الله
البؤجة الشتوية الجاية
تكونوا أربع أنفااااار بقى
بس خلاص

blackshwak محمد الجريدي said...

السلام عليكم

سبقتني الأستاذه فاتيما في التعليق مع إني والله كنت متابع وكان الموضوع يدوب منشور من 10 دقائق
أوم إيه الكيبورد بتاعي اللي ربنا يجازيه يجيله هبل ويتوقف عن العمل

يلا ملحوقه

أتفق معاك في كل اللي قلته
ولما قرأت موضوع الأستاذه فاتيما
أمس أو يمعني أصح اليوم بس الساعه الرابعة صباحا

حسيت بحزن شديد إني مكونتش هناك معاكم
ودلوقتي لما كتبت حضرتك الموضوع

فكرت أعمل بوست عن لقائكم في البؤجه بس هستني شويه لحد ما كلكم تخلصوا كلام عليه وأبقي أقول رأيي

يعني لا هيبقي حضور ولا كلام ؟

ربنا يخليكوا لبعض إنته وبوبو

ويجازيكم وكل المدونين خيرا عن يوم البؤجه

معلش رغييت كتيير

تحياتي

أحمد كمال said...

حضرتك نورت البؤجة ، اللي حقيقي نشكرها على هذه المعرفة الجميلة :)

ـ-ـ- أحمد عبد العدل-ـ-ـ said...

ما شاء الله
يمكن ما اتشرفتش بالكلام مع حضرتك لكن أكيد مش هفوت الفرصة المرة اللى جاية
حياة جميلة أوى اللى الحب بياخد مها الجزء الأهم من الصورة و يجمل باقى التفاصيل
امبارح كان سيمفونية حب تعزف بمنتهى البساطة و الجمال على ضفاف النيل
إلى لقاء قريب إن شاء الله
تقديرى و احترامى

همس الاحباب said...

الحمد لله ان دى نظرتك عن التدوين والمدونين الان
والبركة فى ام عمر
ودائما سباقين لكل خير
ونراكم دائما على خير
جزاكم الله خيرا
تحياتى

KING TOOOT said...

فاتيما
الدنيا كلها يا فاتيما غرقانه حب مني لبوبو ، مش البؤجة بس
ماهي بوبو دي كل الدنيا و خيرها ، والعمر و فرحته ، والقلب و مشاعره ، والروح ولهفتها ، والمحبة و الضيا إللي في كل تجوم الدنيا و شموس الكون
ياااااه
بوبو دي لو إتكلمت عنها مش حايبقى كومينت ، ولا تدوينة ، لا ده حاتبقى موسوعة
ومش حاتكون كفاية
بس بجد أنا كنت سعيد جدا إمبارح و كنت حاسس إننا بنعمل حاجة مهمة قوي رغم سهولتها
لمتنا كلنا كانت حلوة ، و فرحتنا بالخير كانت حلوة
تحياتي و إحترامي و آمين لكل دعواتك لينا
دعواتك الدائمة إللي كلها صدق
________________________
محمد الجريدي
إنت ترغي براحتك ، ما أحنا بقينا أصحاب بقى ، يعني لو مايدايقكش
شرفتني و نورتني و مستني أقرأ إللي حاتكتبه بفارغ صبر
تحياتي
_________________________
أحمد كمال
حقيقي كنت نفسي تكون موجود معانا في نادي المحامين علشان نكمل كلامنا
بس أكيد ملحوقة قريبا إن شاء الله
إحترامي و تقديري
_________________________
أحمد عبد العدل
أنا كمان لاحظتك قوي ، بس ماجاتش فرصة إني أتكلم معاك
يمكن لأننا كنا قاعدين بعيد عن بعض قوي
بس حسيت من بعيد كده إنك خلوق و إنسان متزن جدا في تصرفاتك و معاملتك مع الناس
أتمنى أننا نتقابل مرة تانية إن شاء الله عن قريب
خالص مودتي
_________________________
همس الأحباب
الحقيقة موضوع عمل الخير بقى بيشغل حيز من تفكيري أكبر من الأول بكتير
طبعا البركة في بوبو زي ما قلتي
تحياتي و تقديري
_________________________
KING TOOOT

محمود الدوح said...

عاجبنى اوى انكم جيتوا كعيلة كامله
زوج وزوجة وابن

الا صحيح هو عمر عامل ايه
ولسه لما مش بيسمع الكلام بتبصله وانت مدايق ولا ايه
:)
امانة عليك يا راجل تبوسهولى

KING TOOOT said...

محمود الدوح
أنا مبسوط جدا بتعليقك عندي ، ومبسوط أكتر إنك رجعت تكتب في مدونتك تاني ، أيوة كده يا راجل ، فيس بوك إيه و بتاع ـ مافيش أحسن من بيتك الخصوصي إللي هو مدونتك الجميلة
عمر بيسلم عليك و بيقول لك ماتنساش تزور مدونته هو كمان
خالص تحياتي
______________________
KING TOOOT

قوس قزح said...

انا سعيدة جدا بتشرفكم لنا
و الله انت مش متخيل وجود اسرة زيكم فى المنصورة و فى البؤجة بيفرق ازاى
بيخلى الناس تحس ان الموضوع جد و يطمنوا بكلامكم عنه

جزاك الله خير انت و بوبو و يارب تشوف عمر و هو جايب البؤجة هو و اسرته

KING TOOOT said...

قوس قزح
أشكرك جدا على تعليقك ،و تشجيعك لينا إننا نيجي ، وصدقيني إحنا من زمان كان نفسنا نكون موجودين في إجتماعات و تجمعات المدونين بس مع الأسف ماكانش بينفع لأننا كنا مسافرين بره مصر ، إنما خلاااااص دلوقت قاعدين وحاضرين كل التجمعات بإذن الله
تحياتي و إحترامي
KING TOOOT

نهر الحب said...

ازيك
بجد سعدت بالتعرف عليك
يارب يديم الود فيه

وومن said...

بجد بجد نورتم واتشرقت جداً بلقائكم كلكم

أجمل ما في البؤجة انها كل سنة بتجمع احباب وتذودهم

عقبال كل سنة وبوسة لعمر وهانبقي نعدي علي مدونته نسلم ونعمل الواجب هناك

خالص تحياتي ومودتي

لكم جميعاُ

KING TOOOT said...

نهر الحب
وأنا كمان سعيد جدا بالتعرف عليكي ، وبقول وراء دعائك الجميل ده
آمين آمين آمين
تحياتي
_______________________
وومن
صدقيني وإحنا كمان كنا مبسوطين جدا بوجودنا معاكم السنة دي ، وإن شاء الله العادة دي مش حاتتقطع أبدا طول ما أحنا في مصر بإذن الله
خالص مودتي
_______________________
KING TOOOT

ahmed_k said...

بارك الله فيك وفي زوجتك
التي أكرمك الله بها لتكون عونك على فعل الخيرات فنعم الزوجة لنعم الزوج
وكنت أود أن أتعرف إليك في ذاك اليوم عن قرب ولكن بإذن الله سيكون لنا ذلك في قادم البؤج أو الأيام

تقبل تحياتي

KING TOOOT said...

ahmed_k
أشكرك على دعائك و تعليقك الجميل
تحياتي و إلى لقاء قريب إن شاء الله
خالص مودتي
KING TOOOT