علمتينا نخاف يا معاهدة
حتى من الفكرة
علمتينا نخاف من بُكره
علمتينا نكون غِربان
عايشين ع الزكرى
علمتينا نكون غِلمان
علمتينا نكون باردين
مانحسش أبداً غليان
علمتينا نعيش العمر على الحرمان
علمتينا نهون أو نكره
علمتينا الذل كمان
شربتينا عذاب الذل أشكال و ألوان
علمتينا نشد حزامنا على الأبدان
ونشرب من ميّّتنا العِكره
علمتينا كتير على فكرة
بس علامك كان خيبان
أصل علامك عمره ما علّمنا الإحسان
ولا يوم علّم حد مابيننا يكون إنسان
علشان كده مافيناش فنان
ولافاهمين حتى الأديان
ولا قسيس علمنا إيمان
ولا شيخ فهّمنا إللي بيجرا
علمتينا كتير على فكرة
بس علامك كان خيبان
شعب بياكل شعب جعان
أصبحنا في بحر النسيان
أصبحنا من العالم نَكِرة
أشجع واحد فينا جبان
علمتينا الخوف يا معاهدة
علمتينا كتير على فكرة
.jfif)
.jpg)
4 comments:
احنا تعبنا خلاص
على اسم مصر التاريخ يقدر يقول ماشاء
انا مصر عندى احب واجمل الاشياء
فينها مصر دى
ربنا يجازيهم باللى عملوه فينا ووصلنا لكدا
لا ما تظلمش المعاهده
المعاهده كان عاملها السادات وكان وقتها كل كلب فى جحره ما حدش بيقدر يقول بم
احنا الى علمنا الخوف اننا ما لناش قياده
ماشين بالهبولي كده يعنى
مش احنا الى خوافين
صدقنى مش احنا
sookra
مصر دي موجودة
جوايا و جواكي وجوة كل إنسان عايش و جواة حلم إن البلد دي تكون أحسن من كده
بس المشكلة إننا بنكتفي بالحلم وسايبين إللي فوق يخربوها كأنهم بيحكموا بلد تانية مش بتاعتنا
تحياتي
______________________
صبرني يا رب
لا أنا بأتهم المعاهدة
والسادات
وأمريكا
وإسرائيل
وسكوتنا
و جبننا
في إنهم السبب الرئيسي في إللي إحنا فيه ده، ولولا المعاهدة دي ، ودورها في إفراغ مصر من اي دور في المنطقة ، لولا ما كان يحصل لنا كل إللي بيحصل النهاردة
أنا بأعترض على جملتك " وكان وقتها كل كلب في جحره" لسببين
أولا إن نظرتنا لأي حد غيرنا على إنه كلب دي نظرة متعصبة و متعالية و فيها تجاوز مرفوض دينيا و إجتماعيا
لأننا مانقبلش هما يقولوا علينا كلاب
ثانيا إن الكلب مالوش جحر
هههههههههههههههه
الجحر ده بيكون للفار
إحترامي و تقديري
والخلاف يا يفسد للود قضية
______________________
KING TOOOT
كل عام وحضرتك بخير
عيد سعيد عليكم
تحياتى للاسره
ومتنسوناش وانتوا بتاكلوا اللحمه
Post a Comment