Pages

عمر الحب


فات كام عام ؟!

مش بحساب أيامنا بنحسب

عمر العشق من الأعوام

علشان لحظة حب بتحي

همس قلوبنا من الأنغام

و بتعزف ع الصمت غناوي

تملا حياة الصمت كلام

وتخلينا نشوف الدنيا

حلوة حقيقي مش أوهام

و تكحّل أحلام في عنينا

ونعيش فيها بدون ما ننام

لحظة حب مابيننا يا عمري

تجري بأمانينا لقدّام

وتخلينا ندوب في قلوبنا

و تدفينا بشمس غرام

إحسبي عمري و عمرك عشق

شوفي حايطلع عمرنا كام

6 comments:

BoBo said...

يا حبيبي.. مش قلنا بلاش الكلام الحلو دا على الملا كدة عشان هنتحسد؟ما شاء الله لا قوة الا بالله من عيون الناس

خواطر شابة said...

اسمع كلام بوبو اناكمان بدعي لكم ان ربنا يحفظكم من الحاسدين ده العين فلقت
الحجر
ربنا يخليكم لبعض وميحرمكمش من بعض ابدا

حلم بيعافر said...

hحسبى عمرى وعمرك عشق
شوفى هيطلع عمرنا كام
ايه الجمال ده؟

KING TOOOT said...

BoBo
مين يقدر يحسد شمس الصبح على نورها
أو يحسد موجة رقيقة عايمة في بحورها
أو يحسد شجرة ورد وبايسة الأرض بجزورها
أو يحسد نجمة شايفها لكنه عمره مايطولها
_____________________
KING TOOOT

KING TOOOT said...

خواطر شابة
أنا في راي إن الحسد مايأذيش غير صاحبه
لأنه يخليه طول الوقت حاسس بالدونية و إنه أقل من الناس
أشكرك على الدعوات الرقيقة
تحياتي
____________________
حلم بيعافر
أشكرك على تشجيعك
ويارب كلماتي تلاقي دايما قبول عندك
إحترامي و تقديري
____________________
KING TOOOT

Borsa said...

جزاك الله كل الخير يا غالي علي المدونه الرائعه

و دي قائمه باهم مباريات اليوم يا جماعه و شكله يوم كروي عالمي

مشاهدة مباراة الاهلى والاسماعيلى
مشاهدة مباراة الزمالك والمصرى
مشاهدة مباراة برشلونة واسبانيول
مشاهدة مباراة ريال مدريد وفالنسيا
مشاهدة مباراة مانشستر يونايتد واستون فيلا
مشاهدة مباراة تشيلسي وايفرتون
مشاهدة مباراة الاهلى والاسماعيلى بث مباشر