فات كام عام ؟!
مش بحساب أيامنا بنحسب
عمر العشق من الأعوام
علشان لحظة حب بتحي
همس قلوبنا من الأنغام
و بتعزف ع الصمت غناوي
تملا حياة الصمت كلام
وتخلينا نشوف الدنيا
حلوة حقيقي مش أوهام
و تكحّل أحلام في عنينا
ونعيش فيها بدون ما ننام
لحظة حب مابيننا يا عمري
تجري بأمانينا لقدّام
وتخلينا ندوب في قلوبنا
و تدفينا بشمس غرام
إحسبي عمري و عمرك عشق
شوفي حايطلع عمرنا كام
.jfif)
.jpg)
5 comments:
يا حبيبي.. مش قلنا بلاش الكلام الحلو دا على الملا كدة عشان هنتحسد؟ما شاء الله لا قوة الا بالله من عيون الناس
اسمع كلام بوبو اناكمان بدعي لكم ان ربنا يحفظكم من الحاسدين ده العين فلقت
الحجر
ربنا يخليكم لبعض وميحرمكمش من بعض ابدا
hحسبى عمرى وعمرك عشق
شوفى هيطلع عمرنا كام
ايه الجمال ده؟
BoBo
مين يقدر يحسد شمس الصبح على نورها
أو يحسد موجة رقيقة عايمة في بحورها
أو يحسد شجرة ورد وبايسة الأرض بجزورها
أو يحسد نجمة شايفها لكنه عمره مايطولها
_____________________
KING TOOOT
خواطر شابة
أنا في راي إن الحسد مايأذيش غير صاحبه
لأنه يخليه طول الوقت حاسس بالدونية و إنه أقل من الناس
أشكرك على الدعوات الرقيقة
تحياتي
____________________
حلم بيعافر
أشكرك على تشجيعك
ويارب كلماتي تلاقي دايما قبول عندك
إحترامي و تقديري
____________________
KING TOOOT
Post a Comment