Pages

عشق كامل

النسايم فوق جبينها

فارده خصلة شعر طايرة

سارقة طرف الطرحة منها

رايحة تهرب بس حايره

و العيون مفتوحة دايما

بس دايما مكسوفين

و الخدود مبتسمة دايما

و الشفايف فرحانين

كفّها في إيديا ساكن

كل مره بيستخبه

و الرموش مفروده لكن

خجلانين خَجَل المحبه

و الكلام مابيننا همس

و المشاعر رايحه جايه

و إبتسامة روحها شمس

و القمر في جبينها هيَّ

هي روحي وروحي فيها

عمري كله مش كفاية

لو في يوم أهديه إليها

من بدايته للنهاية

7 comments:

bos bos said...

يااااااااااااااااااااه والله ما صدقت عنيا لما لاقيت مكتوب فى الريدر عندى أنه ليك تدوينة جديدة
وطبعا أنا لسة ما قريتش حاجة
بس جيت أطمن وألومك جدااااااااااا
على كل القلق اللى أنا كنت فيه ومش عارفة أوصلك ولا أوصل لهبه
وسألت عليكم مليون مرة وأتصلت على أرقامكم مليون مرة وعلى طول مقفولة
يعنى هما الصحاب والأخوات يختفوا كده من غير ما يطمنونا يعنى كده ينفع

والله هموت من القلق عليكم

عبرونا بقى وطمنونا عليكم أنا هيحصلى حاجة من القلق والله

هرجع تانى اقرأ كلامك وأعلق عليه

عاشقه الرومانسيه said...

جميل وصفك لحبيبتك
وجميل تعبيرك عن حبك

اول زياره
وان شاء الله مش الاخيره

العاب said...

يسلموا

Mohamed Anwar said...

شكرا علي المجهود-thank you
http://24all.blogspot.com http://pc4all2all.blogspot.com

Tadwina said...

مرحباً
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/498

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.

و لكم جزيل الشكر،

فريق عمل تدوينة دوت كوم.
http://www.tadwina.com

KING TOOOT said...

bos bos
أختي الصغيرة و زميلتي الكبيرة
آسفين على الغيبة و الإختفاء بس ماكانش بإيدينا و الله
مستني قرائتك و تعليقك و كمانعايزين نتقابل كلنا بقى زي زمان
و حشتونا جدا
_________________
عاشقة الرومانسية
أشكرك على زيارتك الغالية و تعليقك الرقيق
تحياتي
_________________
ألعاب
ألف شكر
_________________
Mohamed Anwar
شكرا على التعليق
_________________
tadwina
أشكركم جدا على إهتمامكم بمدونتي و رأيكم في كتاباتي الذي أسعدني بحق
كما أشكر الشخص الذي رشحني
إحترامي و تقديري لدوركم البنّاء
_________________
KING TOOOT

Anonymous said...

в итоге: неподражаемо.. а82ч