Pages

أبريق الشاي

حد فاكر أغنية أبريق الشاي ؟؟

أنا أنا أنا أبريق الشاي

إيدي كده

بوزي كده

أصب الشاي

و أرجع كده

و أعرف بردو يا كتاكيت أحكي حواديت

أغنية أتربى عليها كل جيلي ، هي و أغاني أطفال كتير كانت بتيجي في التليفزيون ، أيامها كان التليفزيون قناتين بس ، الأولى و الثانية ، و كانت برامج الأطفال قليلة ، و لكن رغم إن الأمكانيات ايامها كانت قليلة جدا بالنسبة لإمكانيات الفضائيات الحالية ، إلا أني شخصيا بأعتقد إنها كانت أفضل من حيث التربية ، لأنها كانت بتزرع البراءة في نفوسنا كأطفال ، البراءة دي أنا حاسس إنها إختفت من الأطفال حاليا ، و حتى أغاني الأطفال ، أعتقد أنها اصبحت قليلة جدا و معانيها رديئة ، على أي حال ، أنا لما بأسمع الأغنية دي أو اي أغنية تانية من أغاني الأطفال بتاعت زمان إللي أتربينا عليها بأحس أن الزمن ده كان بعيييييييييد جدا ، و كأن عمري ميت سنة

ياريت كلنا نسمع الأغنية دي و نفتكر أيام الطفولة الجميلة


style="text-align: center;" align="center">

7 comments:

A.SAMIR said...

النوع دة من الاغاني رائع فعلا
انا قعدت في يوم ادور على كل الاغاني دي ع اليوتيوب ولقيت عدد كبير منها
تحياتي

المفقوعة مرارتها said...

مالها بوس الواوة هو ده الفن الهادف بصحيح.. هو فيه احسن من هيفاء تغني للأطفال حتي توعيهم وتودكهم
لكن اغان زمان دي كانت علي نياتها اوي احنا بس اللي كنا بنستطعمها لكن سمعها لاطفال اليومين دول وهاتلاحظ انهم مش هايلتفتولها بقي يسيبوا نانسي والمدعوة هيفا اللي تحل من علي حبل المشنقة ويتفرجوا علي ابريق الشاي
ابداً

بطوط حبوب said...

متفق مع مفقوعه
هههههههههههههه

KING TOOOT said...

a.samir
أشكرك يا أحمد على تعليقك و أنا كمان دورت عليهم على اليوتيوب علشان حسيت إن إبني لازم يبقى يسمع الأغاني دي
أشكرك
_______________
المفقوعة مرارتها
و الله أنا باحس إن الطفل لازم يكون بريء ، و مش عارف لما يبوس الواوا حايكون بريء إزاي ؟؟
خصوصا لو الواوا دي بتاعت هيفاء
تحياتي
_______________
بطوط حبوب
أنت متفق مع مفقوعة ولا متفق مع الواوا ؟؟
إعترف
نورتني
_______________
KING TOOOT

semsem said...

dياااااااااااااه
رجعتنا فعلا لايام زمان

انين الحزن said...

حلوة موووووووووت

انا كنت بحبها اوي

وكان فيه اغنيه كمان كانت بتقول
من واحد لاتنين لتلاته لاربعه لخمسه من سته لسبعه لتمانيه بس التسعه لسه
كنت بحبها اوي بردك

جميل البوست اوي والفيديو كمان

سلاموووووز ..... وزة

KING TOOOT said...

semsem
الماضي دايما شيء جميل
تحياتي
___________
أنين الحزن
انا فاكر الأغنية دي ، بتاعت صفاء أبو السعود
مش كده
تحياتي
___________
KING TOOOT