من بين كتير أوجاع .. قلبي أتولد
من غير زواد و متاع .. ظهري أنفرد
زي الجمل و الخيل أنا شيلت شيل
لا يوم نخّيت ولا .. سيبت البلد
و عجبي
________________________________________
مشيت يوم المطر غرقان و مرصرص
و البرد في عظامي بياكل و بيمصمص
لقيت ولد فرحان وسط المطر يجري
حافي و مش بردان ، عريان و معصعص
و عجبي
________________________________________
عمارة مليون دور صاحبها م التجار
قدّامها بيه بيركب عربية ست أمتار
معدي واد عربجي على كاررو ، يتخانقوا
البيه يقول " سيترو" و الواد يقول يا حمار
و عجبي
________________________________________
.jfif)
.jpg)
5 comments:
من بين كتير أوجاع .. قلبي أتولد
من غير زواد و متاع .. ظهري أنفرد
زي الجمل و الخيل أنا شيلت شيل
لا يوم نخّيت ولا .. سيبت البلد
و عجبي
---------------------------
طيب أقول ايه
أنت حر بقى
كل اللى أنت كتبته عجبنى بس اللى نقلتها أنا هنا هيا اللى حستها جدااااااااااااا أكتر من التانين
تحياتى لك
الله
حلوة
جميلة بشكل وحش
---
أنا أول مرة لي أزور مدونتك لكن شكلي ها أكون زبون دائم
---
خالص تحياتي
عجبي عليك يا زمن و انت مألمني
بليل مصحيني و بالنهار منيمني
اخاف اقول انسان تعذبني
و اخاف اقول حمار عربجي يشتمني
anwer
bos bos
ماتقوليش حاجة
كفاية زيارتك و بس يا زميلتي العزيزة
تحياتي
____________________
ياسمين حميد
ألف
شكر
____________________
على باب الله
جميلة بشكل وحش
ده مدح؟؟؟؟؟؟؟؟؟
ولا زم ؟؟؟؟؟؟؟؟؟
شرفتني بجد
مستنيك
____________________
t3ban
طيب و بالليل مصحيك ليه ؟
لازم بتحب
جميلة رباعيتك
نورتني
____________________
KING TOOOT
Post a Comment