Pages

من غير خلاص


من وسط أغصان الزتون

فيه غصن مات

ووراه كتير أغصان تموت

و تموت بلاد

و يموت ولاد

و تموت بنات

كانوا على الفجر إللي فاضل

يحلموا

وحلمهم مَلو العيون

دلوقت بدل الحلم دم

او دموع

تملى عيون الأمهات

من كتر حزن

من كتر غم

و الكون بناسه كيان أصم

و كأن جرح في جنب كلب

أصبح أهم

من موت ملايين البشر

في غزة من طلق الرصاص

او مدفونين تحت البيوت

من غير خلاص

من غير وداع

من غير كفن

من غير تابوت

3 comments:

A.SAMIR said...

خواطر جامدة جدا جدا
تحياتي

KING TOOOT said...

a.samir
أشكرك على المتابعة الدائمة و التشجيع الدائم
تحياتي
KING TOOOT

فاتيما said...

جميلة قوى و حزينة يا وليد