الملائكة

كل واحد النهاردة

شايف أنه ملاك برىء

و أن الكل الناس وحوش

أو ذئاب وسط الطريق

و أنه مخلص و أنه طيب

و أن كل الناس شرور

و أن قلبه قلب خصّة

و أنه مالهوش فى الغرور

و أنه صورة حيه جدا ً

للتواضع و الهدوء

و أنه يا قلب أمه تايه

فى المعانى و الفروق

و أن فى العالم مصالح

حاكمه كل الناس معاها

أنما هو أللى صالح

مش بيمشى فى يوم وراها

بس أنا عدم المؤاخذة

عندى ليكوا سؤال عبيط

لسه فاضل حد ممكن

يغلط ,, ولاّ أنا الوحيد ؟