أتخبطنا فى النفوخ
و أتعمينا عن الشروخ
روحنا معرض الكتاب
النهارده عشان ندوخ
عمو ظابط قال خلاص
أقفل البيبان قوام
و أبتدى يطرد فى ناس
عكننه كده و السلام
ناس أجانب دخلوا فورا ً
بس واحد مصرى لاء
أصل كل ضيف معزز
أنما أحنا عيشتنا زق
حاجة تفقع المرارة
و الحرارة فى ارتفاع
هو مين أبن البلد دى
أحنا ولاّ الواد بتاع
أللى راح داخل بسرعة
لجل خاطر غربته
ياترى أزاى حايعملنا
هو هناك فى دولته ؟
ماترحمونا مره واحده
و تسيبونا ف حالنا نقرا
قبل ما صنف القراية
يختفى و يبقى لنا ذكرى
.jpg)
14 comments:
الإسبوع الجاي هروح أشوف الأحوال إيه :)
روز
دا أنا تقريبا ً كتبتها و أنا واقف معاكوا عند الباب
شكرا ً على التعليق و التشجيع
على فكرة ,, عملتى أيه فى الكتاب أللى وزعوه عليكى النهاردة ?
ههههههههههههههههه
___________________________
ميندونا
حاولى تروحى يا ميندوننا فى يوم مايكونش فيه مباريات فى الأستاد
نصيحة لوجة الله
___________________________
KING TOOOT
داليا فؤاد
يعنى يوم 24 و 28 كمان بايظين
ع البركة
يبقى نتفرج ع الكورة أحسن
KING TOOOT
عاشق
و الله يا أخى أنا طبعا ً متشكر على مرورك الكريم فى مدونتى المتواضعة
بس الحقيقة أنا عندى رجاء ليك لو سمحت يعنى
ياريت لما تحب تعلق تانى عندى تبقى ما تدخلش بالرابط بتاعك أللى بيوصل لمدونتك دى لأنى الحقيقة و مع كل إيمانى بالحرية الشخصية فأنا مش عايز حد يدخل عندك عن طريق مدونتى لأنى مختلف مع ما تقدمة قلبا ً و قالبا ً و شكلا ً و مضمونا ً يعنى ممكن تبقى تمضى فى التعليق أسمك بس تحت علشان نعرف أن التعليق منك
و أنا طبعا ً بأعتذر لك عن أنى أضطريت أنى أحذف تعليقك اللطيف علشان الرابط
و يجعلة عامر
KING TOOOT
هههههههههههههه
دول اجانب يا معلم
اسالنى انا عن التشريفات ( مباحث وعساكر عاديين ) اللى اتعملت لاكثر من 15 كيلو علشان البعض (مش الريس ولا رئيس الوزراء ) يعدى
مين بقى مش عارف
روز
الحقيقة أنا عينى مش فى الكتاب ,, أنا عينى فى الشنطة
هههههههههههههههههه
____________________
طاهر
أجنبى جاية من جانب يعنى حاجة كده على جنب مش أساسى يعنى
طيب ليه بقى هو فى بلده أساسى و عندنا هنا أساى برده مع أنه هنا أسمة أجنبى
_____________________
KING TOOOT
لآ هنا ده كينج بجد .. مش عارفه ايه اللي بيغيب و بيرجع في كتاباتك .. بس يمكن الروح هنا أقوي لانها وليدة موقف معين .. يمكن ..
مش عارف هيعاملونا ازاي في بلادهم ؟؟
رومانتيك روز
يمكن المختلف أن اللهجة هنا ساخرة شوية
عموما ً طبعا ً فية أختلاف بس خليها فى سرك
KING TOOOT
nice
نشنت يا كنج
على الوجع بالظبط
برافو عليك
وكتبتها واحنا على الباب
غريبة
مع انى كنت واقف جنبك
وما شفتش الوحى !!!!
بالنسبة يا باشا لطلبك بالكتابة عن اللى شفناه
موجود دلوقتى عند بنت مصرية
مع تحياتي
وطنى
أوطن الأعداء أنت أم وطنى؟؟؟؟؟؟؟
daredevil
Thanks
_______________________
فريدوم
هههههههههههه
أصل الوحى لما نزل كنت ساعتها بتجاهد عند الباب فى محاولة مستميتة أنك تفهم الجدع أللى مانع الدخول ده حاجة بسيطة خالص
أننا بنى آدمين و الله و من حقنا نتعامل على هذا الأساس
_______________________
شادى
نعم ؟؟ !!! لا و طنك أنت طبعا ً بس الأعداء مأجرينه قانون جديد
هههههههههههههههه
_______________________
KING TOOOT
very nice post :)
تحفة وجماله إنك تحس إنه بالسلاسة ومن رحم الواقع
Post a Comment