Pages

الملائكة


كل واحد النهاردة

شايف أنه ملاك برىء

و أن الكل الناس وحوش

أو ذئاب وسط الطريق

و أنه مخلص و أنه طيب

و أن كل الناس شرور

و أن قلبه قلب خصّة

و أنه مالهوش فى الغرور

و أنه صورة حيه جدا ً

للتواضع و الهدوء

و أنه يا قلب أمه تايه

فى المعانى و الفروق

و أن فى العالم مصالح

حاكمه كل الناس معاها

أنما هو أللى صالح

مش بيمشى فى يوم وراها

بس أنا عدم المؤاخذة

عندى ليكوا سؤال عبيط

لسه فاضل حد ممكن

يغلط ,, ولاّ أنا الوحيد ؟

11 comments:

حدوته مصرية said...

كلام بسيط جميل

والسؤال مين ما بيغلطش او لسه كام واحد بيحاول يعمل الصح

shortcut said...

ya m.yasser rakez 3ala nafsek w e3mel enta el sa7

ruby said...

انا اول مرة ازور مدونتك بس بجد تحفة عجبتنى اوى ويمكن كلامك صدمنى شوية فى الاول بس الى حد ما مقتنعة بية
بس انا بسالك بقى هو مين اللى مبيغلطش؟

KING TOOOT said...

محمد ياسر
أنا رأى أن كلنا ساعات بنغلط و ساعات بنحاول نعمل الصح
________________________
شورت كت
على فكرة ,, مدونة محمد ياسر عنوانها
hadoutamasrya.blogspot.com
!!!
_________________________
داليا فؤاد
دا من بعض ما عندكم يا فندم
هههههههههههههههه
و عموما ً الصدمة مطلوبه فى بعض الأحيان
شكرا ً على التشجيع المستمر , وربنا يخليكى للغلابة
_________________________
روبى الدالى
أهلا ً و سهلا ً بيكى دايما ً و أتمنى ما تكونش أخر مرة
مدونتك جميلة و رقيقة , مريت عليها سريعا ً لضيق الوقت و الله بس أكيد حا أمر تانى و دائما ً إن شاء الله
بخصوص السؤال عن مين أللى ما بيغلطش فالأجابة أن مافيش شخص ما بيغلطش بس فيه أحاسيس كتير ما بتغلطش
_________________________
KING TOOOT

shady said...

كلنا هذا البتاع

Unknown said...

ها ها ها كلنا هذا العبيط اللى فاكر نفسه قطه ياعينى بس ما علينا

Tamer Nabil Moussa said...

شوف عزيزى توت كلل واحد جو نفسة ملك


بس اكيد فية ناس كتير فيها عيوب ومعترفة بيها وبتحاول وتعمل على اصلاحها

ربنا يصلح الحال

وتسلم على الكلام اللى زى العسل

الى الامام

hebaz said...

كلام فعلا جميل و زى ما أنت قلت بالضبط الصدمة مطلوبة علشان نفوق و نصحا و يارب نكون بنتعلم من أخطائنا و أخطاء الغير كمان
كل سنة و أنت طيب :)

ملك said...

هههههههههههههه
عجبتنى جداً جدً

ROMANTIC ROSE said...

متفقه معاك ف الفكره مليون ف الميه ..
كل بني ادم خطاء و خير الخطاءؤن التوابون ..

جامد يا كينج ..

KING TOOOT said...

شادى
بس مين يفهم يا باشا أن كلنا هذا البتاع
_____________________
مويا
صحيح مش عارف لما كلنا طيبيين يبقى الشر ده جاى منين
_____________________
تامر
شكرا ً يا تامر على أهتمامك و تشجيعك الدائم
_____________________
هبه ززز
الصدمة مطلوبة طبعا ً بس المهم ما بعد الصدمة ’ و كل سنه و أنتى طيبة
_____________________
ملك
ألف شكر يا ملك
_____________________
رومانتيك روز
شكرا ً يا روز على تشجيعك و يا رب نكون من التوابين زى ما أحنا من الخطائين
_____________________
KING TOOOT