مش حا أسيبها للتبوت
مش حا أسيبها لقمه سهله
تحت ضرس أى حوت
مهما كان
أى واحد م الحيتان
ثابت مكان
أحنا قررنا أن أحنا
نبقى لينا
نبقى جنه بين أيدينا
أحنا ,, أحضاننا تدارينا
تحمى و تضلل علينا
زى ما كانت بتحمى
أيام زمان
قلتوا عايزة معجزات
عشان تعيش
طاب سيبوها
و جناح كمان
متشكرين منكم قوى
و م الأمريكان
أحنا مش عايزين
مطاعم أو لبان
أحنا حانـدوّرها ( زق )
أحنا حانسد ف شقوقها
شق شق
أحنا حا ننور دروبها
أحنا حانطرز فى توبها
أحنا حانرجع حقوقها
حق حق
.jpg)
2 comments:
كلنا بنهتف بالشعر ده ف وش الامريكان
احنا مش عاوزين منهم حاجه
ياخدوا قمحهم و اجهزتهم و فلوسهم و يرجعولنا كرامتنا .. يا شباب يلي بتموتوا في صمت و الناس بطلت حتي تترحم عليكوا من كتر ما اخدوا علي كده .. اهتفوا باخر نفس فيكم .. عاوزين بلدنا بس لينا
رومانتيك روز
للأسف يا رومانتيك قليل من الناس هما أللى فاهمين كده
أغلب الناس فاهمين أن من غير أمريكا ما نقدرش نعيش ,, لكن ده مش صحيح ,, ويمكن كمان العكس هو أللى صحيح ,, يمكن أحنا من غير أمريكا نقدر نعيش أحسن بكتير
KING TOOOT
Post a Comment