Pages

على شط الدنيا

على شط الدنيا

نهر النيل

المصري يغني سنين مواويل

يغزل في النور

ويعدّي بحور

ويقول للموج يبعت مراسيل

ويغني حِكم و حكاوي كتير

مع إنه زليل

ومريض و عليل

و إتهرى مالكذب و مالتمثيل

و إتكوى مالسرقة و مالتضليل

على أرضة وعايش زي أسير

من يومه و شايل حمل ثقيل

و كأنه قدر من أوّل جيل

وفقير

مع إنه في أصله أمير

ولا كان صعلوك

ولا كان مملوك

ولا شال في بنوك

ولا شال في الزير

مع إنه كبير الدنيا بجد

إزا كان لشعوب الدنيا كبير

ولا عمره في عمره بيظلم حد

ولا عمره إفترى

ماهو قلبه جميل

لو داقت بيه بيبيع مناديل

أحسن ما يمد إيديه لعويل

المصري شريف

ونظيف

وأصيل

إزا كان مالدقي

أو البراجيل

13 comments:

كيكى عوووووو said...

اهو قلبه جميل

لو داقت بيه بيبيع مناديل

أحسن ما يمد إيديه لعويل

المصري شريف

ونظيف

وأصيل

إزا كان مالدقي

أو البراجيل
الصورة معبرة اوى والكلام اكتر
تسلم اوى اوى

لولا وزهراء said...

وليد
تصفيق حاااااااااااد
كلامك صح الصح
الصوره بتعبر عن واحد مصرى الدنيا تركت اثرها فى ملامح وجهه....
بالنسبه بقى انى اعمل النقد بفلوس تصدق بافكر فيها الحكايه دى من فتره بس فى ناس المفروض انا اللى ادفع لهم لما يسمحوا لى انى اقرا شغلهم زيك كده
شرف ليا بجد انى اتعرفت على المدونه هنا

"ويغني حِكم و حكاوي كتير "
هو ده المصرى الاصيل النيل رواه والخير جواه يعرف يطلع من قلب المأساه ضحكه وفرحه وغنوه



"ومريض و عليل "

ياترى يا هل ترى المرض جه له من ايه من الهم والحزن والتلوث او مبيدات مسرطنه او قمح بالسوس او غذاء فاسد او ايه بالضبط

"و إتهرى مالكذب و مالتمثيل

و إتكوى مالسرقة و مالتضليل "

لفظ اتهرى معناه قوى جدا انه خلاااص مش بقى مستحمل اى حاجه اضافيه
اما لفظ اتكوى بعد اتهرى اعطى انطباع بالوان شتى من العذاب اللى ممكن يكون شافها المصرى فى حياته

"ماهو قلبه جميل "

فعلا رغم كل شئ لازال المصرى قلبه جميل

وشريف
ونظيف
وسرور
وابن عز
مع تحيات الحزب الوطنى
هههههههههههه


حلوه اوى يا وليد
تسلم الايادى ومعلش على الرغى
والله هاحاول بعد كده انى اختصر اوى اوى

زهراء

صيدلانيه طالعه نازله said...

المصرى عشان اصيل
عمره ما حيمد ايده للخسيس و يذل لنفسه

لان المصرى اللى على حق يقول للذل و الهوان لا

ده شعار المصريين مش الحزن الوطنى

انا مبسوطه بجد انى جيت هنا

تحياتى

صيدلانيه طالعه نازله said...

ايه ده فى حد جاب سيره الحزن الوطنى غيرى هنا
بس و الله ما شوفت التعليق و انا بكتب

شكلك انت يا وليد اللى بتروج لافكاره مش احنا
ههههههههههههههههه

ـ-ـ- أحمد عبد العدل-ـ-ـ said...

عارف ياملك
مدونتك من المدونات القليلة اللى مبعرفش أعلق فيها ،،، فيها غناوى تنفع خلفية لكل فصل من فصول حياتنا
القادم بفضل الله أجمل
تقديرى

فاتيما said...

اولاااااا

العنوان معبر قوى يا وليد
مصر بقت ع الشط الدنيا
لا عارفة تدخل ف المية
و لا نافع تبقى كدا
لأنه مش مكانها الشط ..أبدا



ثانيااااا
الصورة تحفففففففة
من أروع ما يكون بصراحة و هيا كمان معبرة


ثالثاااااا
كل بنى آدم ف البلد دى
أى كان موقعه و تعليمه و اصله و شكله و ظروفه ..بيحبها بدرجات
- فيما عدا اللى بيكلوا لحمها حية -

و على رأى منير

العاشق بينقط بهواه


قصيدتك دى يا وليد
نقوط من عاشق ولهان
لسه شايف ف الحبيبة كل الخير
رغم كل ما يحدث
فأمام هذا النوع من العشق
لا املك سوى الاعجاب
و قول كلمة واحدة
النفر يقولها معبراً عن اعجابه
ويلخص بيها معنى
كل شىء جميل ف الكون

الله

تحياتى ليك يا غالى
و لبوبو الجميلة
و شيكا بيكا

MR.PRESIDENT said...

الزجل جميل تسلم ايديك والميزة انه غنائي ,, بجد اسلوك ظريف وكلماتك أروع ..ونغمك اوعي وشك ,, دمت مبدع

sony2000 said...

المصري شريف

ونظيف

وأصيل

إزا كان مالدقي

أو البراجيل
هي دي الخلاصه لااااااااصه
بجد رائع جدا
:)

محمد فؤاد (صاحب عمود النور) said...

احسنت جدااااا
كلامك من غير رغى وتطويل ولكن واصل بصورة صريحة
تسلم افكارك
الصورة فى الجووووووون

KING TOOOT said...

كيكي عوووووو
أشكرك جدا على التشجيع الدائم
أخجلتم تواضعنا
_________________
زهراء
كالعادة
تعليق رائع و تحليل رائع
ياستي إرغي زي ما إنتي عايزة
تحياتي
_________________
صيدلانية طالعة نازلة
لا والله
أنا بريء وماليش في الحزن الوطني ولا إللي مش وطني
دا أنا غلبااااااااااان
__________________
أحمد عبد العدل
يا صديقي إنت مجرد مرورك على مدونتي ده بأعتبره شرف ليا جامد جدا
وحتى لو ماعلقتش خالص أو سيبت تعليق فاضي
نورت يا صديقي
__________________
فاتيما
دايما كالعادة مش بأعرف أرد على تعليقك
لخصتي رأيك في كلمة مافيش أي كلام تاني ممكن يوازيها أو يكون قدّها أو يوفيها حقها
الله
مافيش حد ( أي حد ) يتمنى تعليق بكلمة أحلى من دي
خالص تقديري و إعزازي و تحياتي و كل حاجة
___________________
MR.PRESIDENT
الحقيقة أنا ماكنتش أقصد خالص و لا أعرف إنه غنائي
بس مادام طلع غنائي يبقى كويس جدا
يمكن ربنا يكرمنا بحد يكتشفنا
نورت المدونة و التعليقات يا ريس
___________________
sony2000
أشكرك جدا على التعليق المشجع ده
خالص تحياتي
___________________
محمد فؤاد ( صاحب عمود النور ) ا
الأخ صاحب عامود النور عندنا
منورنا و منور المدونة
بس يارب مانسحبش كهربا كتير
ههههههههههههههه
وحشتني جدا يا أبني
إنت فين ؟
لو ماشوفتكش في يوم البؤجة حاأقطع رقبتك
إنت حر
___________________
KING TOOOT

Mohammed said...

thank you for this blog

http://24mix.blogspot.com/

codecx said...

بنت مصر
شات بنت مصر
دردشة بنت مصر
دردشة مصرية
شات مصري
شات بنات مصر
شات
دردشة
بنات مصر
دليل بنت مصر
بنت مصر
شات بنت مصر
دردشة بنت مصر
العاب بنت مصر
فيديو بنت مصر
يوتيوب بنت مصر
جوال بنت مصر
موبايل بنت مصر
توبيكات بنت مصر
مطبخ بنت مصر
ازياء بنت مصر
الموضة بنت مصر
ماسنجر بنت مصر
صور بنت مصر
دردشة بنت مصر الكتابية
بنت مصر
دردشة كتابية مصرية
شات بنت مصر الكتابي
شات بنت مصر
دردشة بنت مصر
دردشة بنت مصر الصوتية
بنت مصر
شات بنت مصر الصوتي
دردشة بنت مصر
شات بنت مصر
دردشة صوتية مصرية
شات الحب

Honda said...

مدونة الربح
مدونة الربح من جوجل ادسنس
profit blog
مدونة الشلة
مدونة الشله
شات الشلة
شات الشله
مدونة شات الشلة
دردشة شات الشلة
مدونة بنات كول
مدونة بنات
بنات كول