Pages

على رأي فاتيما


على رأي فاتيما في تدوينة

إسمها تباريح

الناس على طول غاويين فَتي

و غاويين تجاريح

حاتلاقي قليل جدا منهم

في كلامه تفاريح

إنما أغلبهم مش صادق

ولا حتى صريح

الواحد فيهم بكلامه

ينزل تشريح

يخرج من حلقة كلام ناشف

من طين و صفيح

مع إن البيه قال متعلم

تعليقه أبيح

والهانم بتعلّق بكلام

ردح و تلاقيح

والكل بيلهط في وليمه

على قلب جريح

والكل نازل ضرب في واحد

ع الأرض ذبيح

والكل بيجري عشان يلحق

يصلب له مسيح

مع إن الكل ضرير

والكل زليل

والكل كسيح


8 comments:

فاتيما said...

يا لهوتينى ى ى ى ى


اسمى
فى مطلع قصيدة
لراعى الملك ؟؟!!

دنا زعقلى نبى النهاردة

منحرمشى منك
يا رب



على فكرة
ناس كتير سألت عن معنى كلمة
تباريح
مع انى كنت فاكرة
انها اوضح حاجة
و هتشرح معنى البوست لوحدها
..طلعت عاملة مشكلة

قصيدتك الحلوة
شرحت كل اللى
كنت عاوزة اقوله

مكنتش كتبتها هيا الاول
و مكنتش كتبت انا
التدوينة بتاعتى ؟!!

تسلم ايدك يا وليد


و لو ان شهادتى مجروحة
بس عاوزة انوه
إن اسم القصيدة
تحفففففة
خصوصا آخر كلمة

وش بيبص ف الارض
بكل براءة

سلامى لبوبو الجميلة
و لعمر بيكا حبيبى
و ليك لحد ما يا رب اشوفكم
يوم الجمعة الجاى


إن شاء الله

اختك بتقولك
متتحرمشى منك
يا رافع معنوياتها
بمجرد كلمة ف بوست تكتبه

عاشقه الرومانسيه said...

روعه ياوليد بجد
عبرت عن بوست فاتيما فى كام سطر بس من الاخر
(:
تسلم ايدك
وطبعا انت وفاتيما عندكم حق

ـ-ـ- أحمد عبد العدل-ـ-ـ said...

والكل بيجري عشان يلحق

يصلب له مسيح

مع إن الكل ضرير

والكل زليل

والكل كسيح

أبدعت ياملك
تقديرى :)

لولا وزهراء said...

وليد
-*-*

عنوان البوست طبعا شدنى لان فاتيما من الناس التى اكن لها احترام رغم عدم معرفتى بها شخصيا.....
الصوره حلوه اوى الورده معها تعبان

"الناس على طول غاويين فَتي "

يا وليد هناك مفتى لكل مواطن هتلاقى اما جاره او صديقه او زميله فى العمل كل الناس تفتى لكل الناس رغم ان هناك مقوله لم ترتقى لمرتبة الحديث من قال لا اعلى فقد افتى بس تقول لمين
ربنا يسهل لهم حالهم


" و غاويين تجاريح "

علشان تبقى حد الناس تخاف منه لازم لسانك يبقى طويل وتبقى بمية لسان وتحفظ لك كام مصطلح قبيح عربى وانجليش وكده يعنى ده بقى مفهوم الناس عن الشخص اللى المفروض تخاف منه


"حاتلاقي قليل جدا منهم

في كلامه تفاريح "

ياريت نقابل النوعيه دى من الناس ويكونوا كتير فى حياتنا

"الواحد فيهم بكلامه

ينزل تشريح "

والله يا وليد فاكرين كده شطاره انك تلقح على الناس وتتريق على خلق الله
وماحدش يسلم من لسانك
ربنا يكفينا ويكفيك الشر




"مع إن البيه قال متعلم "

مافيش حاجه اسمها متعلم هاحكى لك على حاجه سريعه كنت فى مؤتمر من حوالى سنتين وبعد ما خلص حصلت مشاده كلاميه بين ناس مش اعرفهم وقفت اتفرج لاقيت واحد فيهم بيقول لواحد ده الدكتور فلان حاصل على الدكتوراه من جامعة كاليفورنيا تخيل يا وليد بصراحه اتصدمت
التعليم بقى لا يكيل بأى شئ


"والهانم بتعلّق بكلام

ردح و تلاقيح "

الهانم دى اسم سمن صناعى هههههههههههه يعنى برضه سيادتها كل حاجه صانعى


انت عارف المشكله فين ان مافيش حد عارف اصله اننا كلنا من الاخر من طين ربنا يرحمنا بجد

اذا اردت ان تعرف من انت عليك ان تتذكر من كنت

اسلوبك كالعاده تحفه
واسمحى لى انى ادعوك لزيارة البوست الاخير عندنا تحت عنوان غريبه الناس

دمت مبدعا متالقا

زهـــــراء

البنفسج الحزين said...

والكل بيلهط في وليمه
على قلب جريح
والكل نازل ضرب في واحد
ع الأرض ذبيح

ما أكثر هذة النوعيه من البشر هذة الأيام
...يمكن لان الانسان لما بيشوف حد في مشكله احيانا بيقعد يضخمهما ويكبرها في عنيه مع ان الكلام في الاساس بيكون في سياق الاحساس بمشكلته والتفكير معاة في حلها (انما في الحقيقه هو طول الوقت جوا نفسه بيقنع نفسه ان مشاكله اللي هي بالنسبه للي هو بينصحه بلاوي وكوارث أبسط من غيرةوهو احسن من غيرة يعني بتكون النصيحه بالنسبه له أسلوب من أساليب تفريغ الكبت والاحباط اللي عندة (اسقاط)و وطبعا كبش الفدا بيكون المسكين صاحب المشكله الاساسيه واللي قال ايه كان التاني بينصحه )
تحياتي

القدر و انا said...

يا ملك
بجد تسلم ايديك
عبرت عن قلوب قاسية بتدوس على مظلوم بلا رحمة.. والسنة جارحة بتقطع فى قلب جريح .. بصورة اكثر من رائعة
وفى النهاية يتجاهلوا ان ينظروا لانفسهم قبل ان يشرحوا البشر

KING TOOOT said...

فاتيما
القصيدة هي إللي تتشرف بيكي يا أختي العزيزة
وموضوع تباريح ده يمكن كان غامض شوية لأول وهله علشان الكلمة مش مستخدمة كتير بين الناس
وأخوكي بيقول لك
خللي معنوياتك فوق في السما زي ما هي
قصي الخيط علشان ماحدش يشدها لتحت
____________________
عاشقة الرومانسية
والله أنا بأفرح جدا لما بتعلقي عندي
أشكرك جدا
____________________
أحمد عبد العدل
صديقي العزيز جدا
أشكرك على تشجيعك الدائم لي
عايزين نتقابل قريب يا بطل
رتب و أنا جاهز
____________________
زهراء
طيب المفروض بعد كده التحليل الفني ده يبقى بفلوس بقى
نورتيني و نورتي مدونتي يا فندم
وأشكرك طبعا على التحليل المبدع
وأوعد حاأجري أقرأ البوست عندكم حالا
تحياتي
____________________
البنفسج الحزين
فعلا ما أكثر تلك النوعيات السخيفة من البشر
عندك حق جدا جدا جدا
____________________
القدر و أنا
أشكرك جدا على رأيك
وسعيد إن كلماتي لمست الحقيقة
تحياتي و إحترامي
____________________
KING TOOOT

codecx said...

بنت مصر
شات بنت مصر
دردشة بنت مصر
دردشة مصرية
شات مصري
شات بنات مصر
شات
دردشة
بنات مصر
دليل بنت مصر
بنت مصر
شات بنت مصر
دردشة بنت مصر
العاب بنت مصر
فيديو بنت مصر
يوتيوب بنت مصر
جوال بنت مصر
موبايل بنت مصر
توبيكات بنت مصر
مطبخ بنت مصر
ازياء بنت مصر
الموضة بنت مصر
ماسنجر بنت مصر
صور بنت مصر
دردشة بنت مصر الكتابية
بنت مصر
دردشة كتابية مصرية
شات بنت مصر الكتابي
شات بنت مصر
دردشة بنت مصر
دردشة بنت مصر الصوتية
بنت مصر
شات بنت مصر الصوتي
دردشة بنت مصر
شات بنت مصر
دردشة صوتية مصرية
شات الحب