هات سكّينة في إيدك .. و إدبح

هات سكينة في إيدك و إدبح

كل عروق الهمّة في جسمي

وإشرب دمي و وزوّد همّي

وإمسح من ع الكوكب إسمي

هدّ بيوتي

وإبني بيوتك

سكّت صوتي

وإرفع صوتك

لغبط كل ملامح رسمي

لمّا الناس من دمّي خانوني

إنت إزاي يعني ماحتخونشي

لمّا ملوكي خلاص سجنوني

إنت إزّاي بقى ماحتسجنشي

لمّا يهودك

موّت خالي

لمّا تابوتك

دق عيالي

نجم داوودك

زقّ هلالي

وصَبَح هو المالك رسمي

فاضل إيه علشان أستسلم

وأرمي كرامتي لمداس خِصمي