Pages

هات سكّينة في إيدك .. و إدبح


هات سكينة في إيدك و إدبح

كل عروق الهمّة في جسمي

وإشرب دمي و وزوّد همّي

وإمسح من ع الكوكب إسمي

هدّ بيوتي

وإبني بيوتك

سكّت صوتي

وإرفع صوتك

لغبط كل ملامح رسمي

لمّا الناس من دمّي خانوني

إنت إزاي يعني ماحتخونشي

لمّا ملوكي خلاص سجنوني

إنت إزّاي بقى ماحتسجنشي

لمّا يهودك

موّت خالي

لمّا تابوتك

دق عيالي

نجم داوودك

زقّ هلالي

وصَبَح هو المالك رسمي

فاضل إيه علشان أستسلم

وأرمي كرامتي لمداس خِصمي

12 comments:

الـسـيـدة نـون said...

خد سكينة فى ايدك ...وادبح
كل عروق الخونة فى بلدك
اكتم صوتهم وارفع صوتك
هد بيوتهم وابنى بيوتك
احرق نجم داوود خد تارك
خلي هلالك ينور دارك
دوس بمداسك ع اللى يدوسك
ارفع هامتك
خلى كرامتك دايما محفوظة
واقرا الفاتحة على روح خالك

sony2000 said...

هات سكينة في إيدك و إدبح

كل عروق الهمّة في جسمي

وإشرب دمي و وزوّد همّي

وإمسح من ع الكوكب إسمي
بجد كلمات رائعه
ووصف للمعاناه اللي بتحصل والناس ساكته وشايفه
تقبل مروري وتحياتي

لــــ زهــــــراء ــــولا said...

ولييييييييييد

مشاعر كلامك عاليه اوى اوى

بجد مش عارفه اعلق انت عبرت عن مشاعر كل واحد فينا
تسلم الايادى

هل من شخص يسمع هذه الكلمات ويتعظ منها
لا اعتقد ......
ربنا يوفقك

زهراء

Unknown said...

حنظلة و كينج تووت و كلام فى الصميم
و جارى البحث ،،،، و يبقى الحق شاهداً لنا أحياناً و علينا فى معظم الأحيان :(

shimaa elkholy said...

على فكره ما ينفعش كده

كلامك بجد مؤثر بشكل جامد يااستاذ وليد

يعنى مش عارفه اعلق على الكلام والله

بجد مؤثر جداااااااا

يعنى انا لا يمكن كلام ياثر فيا كده الا لو كان كلام طالع فعلااا من قلب باحساس حقيقى

الله يكرمك يا استاذ وليد ودايما موفق

زهرة الجنة said...

يمكن زمان التاريخ كان بيشهدلنا
لانه كان في شيء كويس يشهدلنا بيه
لكن ياتري الايام الجاية هيشهدلنا والا هيشهد علينا

كلماتك رائعه للغايه

لــــ زهــــــراء ــــولا said...

اسفة مش هقدر اقولك حلوة وتحفة واخر حاجة ..لان بجد حروفي عجزت عن التعبير ....

بجد ربنا يحميك يارب

لـــولا

KING TOOOT said...

خيخة
إيه الإبداعات دي يا فندم
بجد تعليق مميز جدا
خالص تقديري
___________________
sony2000
أشكرك على مرورك جدا
وربنا يرفع عننا كلنا المعاناه دي بإذن الله
تحياتي
____________________
زهراء
صدقيني .. يمكن ماحدش بيسمع بس إحنا لازم نفضل نتكلم
وإلا حانبقى كتبنا شهادة وفاتنا بإيدينا
خالص تقديري
____________________
أحمد عبد العدل
يا صديقي الحق لا يشهد إلا لصاحبه الذي يبحث عنه
ربنا يعفي عنا جميعا إن شاء الله
نورت المدونة
_____________________
ندى الياسمين
أصل الإحباط إللي إحنا فيه مأثر فينا كلنا ، وبالتالي أي كلام بيلمس الإحباط ده بيوجع قوي
خالص تحياتي
_____________________
زهرة الجنة
كلامك صح فعلا
إحنا دلوقت ماعندناش حاجة يشهدلنا بيها
كل الموجود شاهد علينا بس
_____________________
لولا
أخجلتي تواضعي فعلا
نورتي المدونة وسعيد جدا بمرورك و تعليقك الجميل ده
_____________________
KING TOOOT

صمت المشاعر said...

كلمات واقعيه جداااا

هات سكينة في إيدك و إدبح كل عروق الهمّة في جسمي وإشرب دمي و وزوّد همّي وإمسح من ع الكوكب إسمي هدّ بيوتي وإبني بيوتك سكّت صوتي وإرفع صوتك لغبط كل ملامح رسمي لمّا الناس من دمّي خانوني إنت إزاي يعني ماحتخونشي

سلمت اناملك

هموس said...

King Tooot,

بجد انت حكاية ,,, كم هو غائر جرحنا,,,وكم هي موجعة مصيبتنا
ولكن ان أردت رأيي أريد أن أتساءل ان لم ياتي اولا اتحاد فتح وحماس لن يكون هناك مدد من الخارج,,, وان لم يتوفر لشعوب عربية قوت يومها فتاكد انها ابدا لن تملك قرارها,,,فكيف لها ان تملك قرار تقرير مصائر دول اخرى ( دعني اهمسك قابيل وهابيل عادوا للحياة ويعيدون تمثيل المشهد)بجد احترم كلماتك

KING TOOOT said...

صمت المشاعر
أشكرك جدا على مرورك و تعليقك الرقيق
خالص تحياتي و تقديري
________________________
هموس
قابيل و هابيل لم يموتا أبدا
فقط هم الآن أكثر سفروراً و تطاول
أشكرك على تعليقك الرائع
خالص مودتي
________________________
KING TOOOT

روح حياتي said...

يعطيك العافية
مدونة رائعة
الى الامام دوما



دردشة



شات مصرى



اكسب كروت شحن مجانا


شات روح
حياتي



منتديات روح حياتي




دليل مواقع
روح حياتي



العاب




اخبار مثيرة-حوادث
حقيقية-جرائم
 

الجن و
العفاريت,الاشباح,الرعب


غرائب الصور
والجرافيكس  


البلوتوث وبرامج والعاب
الموبايل


تحميل
البرامج,تحميل برامج كمبيوتر


الماسنجر MSN,توبيكات
روعة,صور مسن,توبيك


تحميل العاب
كاملة مجانا,تحميل الالعاب,تحميل العاب كمبيوتر



الادب و الشعر,شعر حب,شعر عزل,شعر رومنسى


اخبار السياسة المصرية والعالمية-اخبار السياسة العربية اليوم-اخبار
السياسة اليوم