سياسة بلدنا
بتعدم حياتنا
و تكرب بيوتنا
تمام التمام
بتهدم مصانع
و تخرب مزارع
و تقفل شوارع
عشان السلام
بتاكل في مالنا
و تسرق عيالنا
و تاخد ما جالنا
حلال أو حرام
و تنهب في قوتنا
و لو جوعنا موتنا
فتضمن سكوتنا
و صمت الكلام
بتاخد رشاوي
و تقبل دعاوي
و تعمل بلاوي
في كل الزمام
وساطة و عمولة
و أرقام ماهوله
فلل درجة أولى
و آخر إنسجام
و لو حد فكّر
يقول أو يعبّر
ده يبقى المغبّر
و ناقص علام
حايدخل سجونها
و يعرف جنونها
و يسمع فنونها
شتيمة و ملام
و ياخد طريحة
و يركب صفيحة
و يمكن فضيحة
لأهله الكرام
عشان تاني مرة
مايعملش فِلة
و ينسى إنه قُلة
و ينسى المقام
و يخرج يعاود
مُسالم مهاود
في صف الأجاود
وأكل البرام
يعيش زي غيره
بياكل في ديله
ويركب سريرة
و جنبه المدام
لا يعرف حقوقه
ولا يبص فوقه
و يفضل في طوقه
بياكل ،، ينام
.jfif)
.jpg)
15 comments:
وهي دي سياسة بلدنا
حدث ولا حرج
في سياسة بلدنا الجميييييييييييلة
اول زيارة متابعة باذن الله
تحياتي
ايه الجمال ده
راااااااااااااااااااااااائعة
الله ينور يا وليد
لا مينفعش كدا بس
لازم أقول لغيرى على الكلام الحلو دا
يسلم لسانك يا أبو عمر
سلامى لهبهوبة الحلوة
فاتيما حطت ميكريفون و نادت
جيت على طول
الكلام حلو قوى
وهوه بالظبط ده حالنا
مافيش حاجه اقدر اقولها اكتلا من ان ربنا اقوى من كل شى و قادر على كل شىء
تصفيييق حااااااااااااااااااد يا ابو عمر
:)
السلام عليكم ورحمه الله وبركاته
جزاكم الله خيرا اخانا الكريم
اكثر من رائعه والله
ربنا يكرمك يارب ويبارك لك فى اسرتك
والسلام عليكم
ياكل ينام .. كما الانعام
هو ده الهدف
خالص تحياتي
هو احنا معندناش سياسه من بدرررررررررررررى قوووووووووووووى
احنا عندنا قوة اسمهاالحكومه محتله البلد
تسلم ايديك
هي دي سياستن فعلا
تسلم ايدك
وانا بقى اقولك ايه دلوقتىىىىى؟؟
روح يا اخى لا فض فوك
الله ينور يا كنج
كل ما تكتب حاجه اقعد انا بقى اعيط على يوم عمر بوك ستور
:O(
الله يكرمك ويفتحها عليك
كلماتك رائعة
منسابة سريعة
تلخص واقع حياتنا
و ظلم حكامنا
..
كان نفسى أتعرف عليك يوم حفلة
توقيع أول مدونة للجيب
و جزاها الله خير فاتيما عرفتنى على مدونتك الرشيقة
دمت مبدع
جميلىة جدا
وربنا يهدى الحال ويغيروا السياسه الزبالة دى
تحياتى
hero
مع الأسف هي دي
__________________
nonoymm
أهلا بيكي في أول زيارة
تحياتي
___________________
المفقوعة مرارتها
أشكرك جدا على تشجيعك
ألللللللللللللللف شكر
____________________
فاتيما
مش عارف أقول ايه أو أشكرك إزاي على إهتمامك بقصيدتي المتواضعة دي
أسعدتني بجد لفتتك الرائعة بنشر لينك المدونة عندك في بوست مستقل
و يارب أكون عند حسن ظنك دائما
تحياتي و سلام كبيييييييييييير من هبة و عمر
_____________________
واحدة مفروسة
هي فاتيما كده مابيتبلش في بقها فوله
ألف شكر
ليكي و لمكروفون فاتيما
سعيد جدا بزيارتك
و مع الأسف إن هو ده حالنا فعلا
بس أكيد مش حايستمر للأبد
تحياتي
______________________
إنسانة
أخجلتي تواضعنا و الله
أشكرك على تشجيعك
______________________
د/أبا يحي و آدم
و عليكم السلام و رحمة الله و بركاته
أشكرك على زيارتك و على دعائك الكريم
تحياتي و إحترامي
______________________
Unique
ما أقدرش أقول كما الأنعام دي
صعبة قوي على نفسي
تحياتي
______________________
appy
طيب هو المحتل ده مش ناوي يمشي بقى ؟؟
المصيبة يكون ناوي يقعد زي باقي المحتلين
ده كده يبقى لسه بدري قوي
______________________
بنوتة مصرية
و الله أنا حاسس إن دي لا هي سياسة
وأن دي ماهياش بلدنا
______________________
dodda
ألف شكر ليكي على المتابعة و التشجيع الدائم
و من غير عياط إحنا أكيد حانتقابل حانتقابل ، مافيش مفر
و بعدين الجايات كتييييير
تحياتي
______________________
أبو خالد
و أنا كمان حظي وحش فعلا أني ما أتعرفتش عليك في الأحتفال ده
بس أكيد حانتعرف إن شاء الله قريب
أشكرك جدا على تعليقك
و أشكر فاتيما إنها عرفتنا على بعض
______________________
رئيسة حزب الأحلام
طيب بس ماتشتميش الزبالة
أحسن الزبالة تزعل
مدونتي نورت بوجودك
______________________
KING TOOOT
عندك حق والله
هى دى فعلا سياسة بلدنا
Post a Comment