Pages

قاوم وقوم

قاوم و قوم
أفتح النور ع الغيوم
قاوم و قوم
أنفض تراب كل الهموم
قاوم وقوم
ماتكونش ساكت أو كتوم
قاوم وقوم
وقوم وقاوم كل يوم
فكّر وشوف
اللعبة و الخطة الحويطة
شدوا السيوف
فاكرنا إيه إبن العبيطة
كفيانا خوف
ل خوفنا ده يبان ع الخريطة
و في دمنا الأحزان تعوم
قاوم وقوم

3 comments:

whyme said...

فاكرنا ايه يا ابن العبيطه
مدها خفيف جداً و مع انها عاميه لكنها جاءت جميله اوى فى سياق القصيده
و مدام لسه بنحاول نقاوم و نقوم و مدام لسه بنقدر نقع و نقوم يبقى لسه فيه امل و ممكن نقاوم اولاد العبيطه

تحياتى
واحد من مقاومين اولاد العبيطه

islam yousef said...

مقاومه مكتومه و ايه الفايده
الخوف مالى القلوب
و الجوع بينهش فى العضم
مابينفعش فى الزمن ده الا الضم
يعنى الحب

أميرة ويلز said...

مش سهل يقوم

دة من يومه اتولد جبان

لوكان يقدر

مكانش قبل الهوان

ولاكانت تبقى سيرته

فى كل بلد وميدان

منهوب وساكت وقابل يعيش جعان

ويقوم فين دة كل السكك اتقفلت ببيبان

وبقينا كلنا فى البلد مساجين


وابن العبيطة السجان

شوية كدة تفاعل على طريقتك

تحياتى وسلامى