Pages

هو فيه حد النهاردة بيفتكر


هو في حد النهارده بيفتكر
أن في بلاد كتيرة غير بلاده
هو في حد النهارده بيعتبر
أن كل ولاد بلادنا دول ولاده
هو في تانى عرابى
ولا في تانى جمال
ولا في من تانى حافظ
ولا في تأميم قنال
لو تدور متلاقيش
كل الموجودين طاووس
كله ريش
كله باصص عالفلوس
كله عايز مــ الكنوز
كلهم راميين ضميرهم فى الزباله
كلهم مجانين كسالى
و الشعوب
أللى كانت يوم تضىء كل الدروب
صبحت هزيله مكرمشة
متهمشة
من كتر ما شافت ظلام
من كتر ما شافت جراح
الظلم أصبح شىء طبيعى
و مستباح
و الكدب أصبح شىء مباح
و أحنا و باقى العباد
نحيا فى نفس الحقيقة
عايشين ندور ع الطريقه
أللى ممكن يوم تصلّح فى البلاد
كل الحاجات
بس خايفين من الزمان
خايفين يكون فات الأوان
وباينه فات

5 comments:

Romantic Rose said...

لبست النظاره السودا يا كينج ؟؟ الف مبروك .. واضح ان دوي النظارات السوداء يكثرون بصوره متواليه هندسيه في هذه الايام ..
"كل الموجودين طاووس" متهيالي و من وجهه نظري لو بقت "كل الموجودين طواويس" كانت بقت ادق .. مش طواويس جمع طاووس؟

مجملا .. و الله حلوه قوي و كلها احساس .. بس كلمتين ف ودنك و محدش هياخد باله منهم .. "خلي بالك من الهجاء و الاخطاء الاملائيه .. زي الكنوز و الزباله"
:)

KING TOOOT said...

رومانتيك روز
شاكر جدا ً علو تم تعديل الغلطات الأملائيه ,, معلش أصلى كتبتها و أنا تقريبا ً نايم و مش شايف قدامى
أما موضوع الطواويس و جمع الطاووس فأنا أقصد من أنى أكتب كلمة الطاووس مفرد أنى أعبر عن أن مش كل واحد فيهم طاووس منفصل ,, لا ,, ده كل واحد فيهم ريشة من ريش الطاووس الكبير و علشان كده بأقول
كل الموجودين طاووس
كله ريش
و كله ريش دى بتوضح أن الموجودين مجرد ريش للطاووس الكبير مش أكثر
أرجو أن يكون المعنى واضح
نراكم بعد الفاصل
KING TOOOT

Romantic Rose said...

اه فهمت .. نورت المحكمه .. تصدق المعني ده حلو قوي .. علي الاقل لو كل واحد فيهم طاووس منفصل ممكن ير الناظرين لكن دول كل واحد فيهم مجرد ريشه م الطاووس .. يعني حتي جمال سلطته جمال باهت و مبتور .. يا عيني ع المعاني !!

Nour said...

متالق دائما يا توت :)

KING TOOOT said...

نور
رافعة معنوياتى دائما ً يا نور
KING TOOOT