Pages

بقيت وحدي

وأنا معاكي بقيت وحدي

برغم القـُرب و اللمسه

برغم الضحكة و الهَمسه

برغم النور

وحضن الضي ضل السور

بقيت وحدي

و جوّه عنيكي ليل و بحور

مابيننا عشان كتير مبدور

في نظرتهم معاني إزاز

ومش لاقي إللي كان إحساس

بيغني عن وجود الناس

ويبني من مشاعري قصور

بقيت ساكت

شريد

مكسور

كأني وضيع من الأنجاس

وحضن مشاعرك الالماظ

صبح عاجز

عليل

مشلول

حزين سايب مشاعري تبور

وجسمي بين إيدين عُـكـّاز

وصوتي من صفيح و نحاس

عقيم مبتور

جمال حِسـّي إللي كان مشهور

صبح غايب

و كلّه نشاز

صبح عايب

مع إنه مازال دايب

في عشق ترابك المسحور

3 comments:

الصحيفة الصادقة said...

رائع جداااااا

صحة أون لاين said...

مدونة رائعة

bgxz said...

مدونة جميلة جدا