كل عام و أنتي حبيبتي

كل عام و عنيكي بتفتّح في حضني

كل عام و إيديكي من لمسه بتاخدني

كل عام و الحب بيننا مش كلام

وكلام ما بيننا في الحب يملى كام ألف عام

ولا لحظة في وجودك تفوتني

والصمت في وجودك كلام

والحرب في وجودك سلام

والنظرة بلسم للآلام

واللفته قمة الأهتمام

يا حبيبتي فات كام ألف عام

علشان لساني يقول حبيبتي

علشان يكون قادر يفوت من سجن خيبتي

ويبقى أسود تختفي من تحته شيبتي

أو ضيف مشاهد و السلام

مليون بخير في يوم ميلادك من كل عام