Pages

حاتقول لي آسف ؟!؟





حاتعتذر؟


حاتقول لي آسف ؟


حاتميل و تبكي بالدموع ؟


هوّه ممكن يوم ياهوزا


يعتذر عن موت يسوع؟


هوّه حتى الإعتذار


يوم حايبقى دليل رجوع


حاتعتذر عن شعب عاش


ومات بيحبي من الخضوع


حاتعتذر عن دم سايل


ع البنادق و الدروع


حاتعتذر عن كل ظلم


وكل فقر


وكل جوع ؟


عن صنعتك أجيال جهاله


و أجيال بطاله


وأجيال ركوع


حاتعتذر عن أنهي شمعة


بإيديك طفيتها من الشموع ؟





1 comments:

بت خيخة وأي كلام said...

بعد اذنك يا وليد
انا هاخد الخاطرة واحطها عندى على السايد بار تحت بند
اخترت لكم


اصلها عاجبتنى اوى


سلم على هبة وعمر


سلام

اختك خيخة