جنب كتفي السنكي واقف ديدبان
والسلاح مشنوق ورايا
أصلي في الخدمة الليلادي
ومافيش ولا مخلوق معايا
غير رمال الصحرا بس
والخيال
والبيادة و المموه والجرايا
والسما مفرودة فوق كل الجبال
أمّا أنا واقف وحيد
شايف الأنوار هنااااك
من بعيد
سور حباطة
وبير الخمسه
والمطار
كلهم في الصحرا زيّ
محرومين أي إختيار
صول محمد قال لي مره
خدمة السلّوم دي منفى
كنت لسه يوميها واصل
كنت لسه يوميها واخد ميت قرار
كنت باني كتير فواصل
بيني و بين أي جار
والنهاردة
بعد عام قضيته خدمة فجيش بلادي
أصبح ( الميز ) زي بيتنا
والعنابر
والرادار
والرصاص
والدانات
كله عادي
أصبح المنفى إختيار
.jfif)
.jpg)
3 comments:
بجد عاجباني جدا
ورغم اني شاب بس مدخلتش جيش لسه
ففقي كلمات مفهمتهاش للاسف
زي الجرايا دي
معلش اعذر جهلي بقي
:):)
سلام للقمر الصغير
واحشني اللعب معاه و لاعبه المعجزة
:):)
فكرتنى بقصة رد قلبى ليوسف السباعى لما على راح الواحات و لا السلوم مع الفارق :-)))
بس اعتقد انى كده افهم ليه المجند بيقعد سنة فى الجيش مبيطولش
لانه ممكن بعد كده ميرجعش
لو اختيارى مكنش بقى منفى بقى مهرب
adel
منور المدونة يا عادل
شوف يا سيدي
الجرايا دي هي الشيء اللي بناكل فيه في الجيش
والأكل إسمة التعيين
سلامك وصل لعمر وهو بيرد السلام
________________
Wanda
الجيش تجربة فريدة ، خصوصا لما يكون بعيد قوي عن القاهرة أو المدن الكبيرة
بيكون الإنسان على المحك طول الوقت
صحيح مش بيحارب ، لكنه بيختبر قدرته في مواقف كتير
خصوصا لو أخد فرق
والفرقة دي هي تدريب على مهارات معينه
زي إنه يا خد فرقة صاعقة أو خدمات طبية أو مظلات
وما أدراكي ما هي فرقة المظلات
إحمدوا ربنا إنكم مش بتدخلوا الجيش
ههههههههههههه
نورتي المدونة
_______________________
KING TOOOT
Post a Comment