Pages

فاكرة ؟


فاكرة ؟
زي النهاردة من ثلاث سنين ، أجمل لحظات و أجمل فرحة أنا حسيت بيها في حياتي
يمكن لأني كنت وقتها حاسس إني تخطيت كل الحواجز و بقيت أنا و إنتي مرتبطين قدام عيون الناس كلها
فاكرة لما جيت علشان آخدك من مصرالجديدة بعد ما أشتريتي الفستان و الطرحة و الشوز ؟
فاكرة قد إيه كنت مستغرب إنك إشتريتي الحاجات بالسرعة دي؟
كنت شايف في عيونك فرحة و حب يملى العالم كله
و معاهم خجل و كسوف كتير جدا
السر بقى إللي لسه ماتعرفيهوش إني أنا كمان كنت مكسوف جدا
كنت حاسس إن مشاعرنا الجميلة بتتكشف للناس لأول مرة
فاكرة أسرارنا البريئة ؟
فاكرة كان عندنا أسرار بريئة قد إيه ؟
في اليوم ده كنت حاسس إن حبنا ماأصبحش ملكنا لوحدنا
كنت حاسس إن حبنا أصبحت الناس بتشاركنا فيه و بتصنعه معانا
و من اليوم ده لغاية دلوقتي
حبك جوايا زاد مليون مليون مليون مرة
و في كل يوم جديد بتبدأ لنا زكريات جديدة ، و حبك جوايا بيزيد أكتر و أكتر
ربنا يخليكي ليا يا أغلى إنسانة في الدنيا

8 comments:

BoBo said...

طبعا فاكرة كل حاجة.. هو الانسان ممكن ينسى اللحظات اللي عمره الحقيقي ابتدا فيها؟ ربنا يخليك وميحرمناش منك ابدا.. انا وعمر
بحبك يا اغلى انسان في دنيتي

bos bos said...

وأنا كمان فاكرة بس مش عارفة فاكرة إيه بالظبط

يارب تعيشوا مليون سنه وتفتكروا كل لحظاتكم الجميلة دى وتعيشوا فى سعادة وهناء على طووووووووووووووووووووول

ليس فقيرا من يحب said...

السلام عليكم
ربنا يتم عليكم نعمته و
يفرحكم بعمر يارب اللهم امين

تقبلو تحياتى

yasser esmail said...

مدونتك رائعه جدا جدا واعطيها مذيد من الاهتمام
وادعوك لزيارة مدونتى
http://www.farafero82.blogspot.com

وابداء رايك فيها

وان اردت يمكننا تبادل الروابط معا لتبادل المنفعه

شكرا

Mohammed said...

thank you
http://ect4us.blogspot.com/

KING TOOOT said...

BoBo
ولا أي كلام يقدر يرد على عباراتك الرقيقة و على السعادة إللي بتمنحيها ليا في كل لحظة
ربنا يخليكي ليا و لإبننا عمر
زوجك العاشق دائما
KING TOOOT

KING TOOOT said...

bos bos
لو مليون سنة مع بوبو أنا موافق جدا طبعا
بجد أنا كل حلمي إن ربنا يكتب لنا إننا نكون مع بعض أنا و هي في الجنة إن شاء الله
_________________
ليس فقيرا من يحب
أشكرك على الدعاء الجميل و الأمنيات الرقيقة
نورتي مدونتي دائما
_________________
yasser esmail
أشكرك
إنتظر مني زيارة مطولة لمدونتك قريبا إن شاء الله
_________________
Mohammed
Not at all
_________________
KING TOOOT

عبد اللطيف said...

لقد قامت أم بوبو بزيارة موقع إبني ريان وتركت تعليقا واكتشفت مدونتك عبرها


علاقة جميلة ربنا يفرحكم كمان وكمان