Pages

عُمر




أن تسمع من يقول إن الأطفال أحباب الله ، أمر جائز ، بل شائع الحدوث ، ولكن أن ترى هذه المقولة و تلمسها و تشعر بها ، لهو أمر آخر تماما .


ولِد إبني منذ أيام ، شرّف إلى الدنيا باكيا ككل الولدان ، أبى أن يظل أكثر من ذلك في حضن رحم أمه ، فتمَطىَ و دَفَع و رَفَس و خرج ، و أصبح يحمل لقب رضيع بعد أن كان يحمل لقب جنين ، خرج و مع خروجه كانت الفرحة التي أعجز حقاً عن وصفها ، فقط شعرت أن الدنيا تحقق لي حلما عظيماً من جديد و للمرة الثانية، بعد أن حققت لي حلم زواجي من حبيبتي و شريكة عمري، خرج"عمر" لتخرج معه أحلامنا أنا وهي إلى الدنيا و تتجسد لنا حقيقة من لحم و دم ، و لننظر إلى وجهه الملائكي و نعرف عن يقين ، أن الأطفال أحباب الله ، بكل ما يحملون من برائة و ضعف و وهن ، و لنعرف أن لحبنا و زواجنا ثمرة ، يجب أن نرعاها و نعتني بها يوما بعد يوم ، و سنة بعد سنة ، لا لكي نربية و نعلمه فقط ، بل أيضا لنتعلم أن الخلق حقيقة أعجز من كل حقائق الدنيا ، فالصورة التي كنّا نراها على جهاز السونار نطفه صغيرة فمضغة فعلقة فجنين ، تحيا الآن بين يدينا طفل جميل يبكي و يأكل و يشرب و يضحك ، فسبحان الخالق العظيم و الحمد لله رب العالمين .

10 comments:

Epitaph said...

ماشاء الله
بارك لكما فيه وجعله من الذرية الصالحة ان شاء الله

و يشيل الراية معاكم
و يتعلم ابجدية الحب منكم ان شاء الله

ماشاء الله
ربنا يحميه

ياسمين حميد said...

ألف ألف مبروك

bos bos said...

عمر الجميل
اخيرا شفت صورة له
ربنا يخليه ليكم
يارب يكون من الذرية الصالحة إن شاء الله
يارب تكون كل أيامكم وايامه فرح وسعادة

بس فين مدونة عمر ده
بقى كده هتضحكوا عليه علشان لسة صغير


ربنا يخليه ليكم

سلااااااااااااااااام

لولا said...

مشاء الله
الف الف مبروك ويارب تشوفه ناجح في حياتة

ويملا حياتكم كلها فرح وسعادة يارب

موووووووووووووووووووواه البوسة دي لعمر

أميرة ويلز said...

ماشاء الله لا قوة الا بالله

زى القمر ياكينج

ربنا يحميه ويخليه ليكوا وتفرحوا بيه كدة وهو عريس ان شاء الله

ممكن ابوسه هتجنن بجد عايزة ابوسه عسل يااخواتى

KING TOOOT said...

epitaph
أشكرك جدا على تعليقك و دعائك له و لنا
تحياتي و إحترامي
_______________________
ياسمين حميد
ألف ألف شكر
_______________________
bos bos
شكرا يا بسمة
دا أنتي متابعاه من قبل ما يتولد ، يعني الراعي الرسمي ، و إن شاء الله حاتشوفيه هو شخصيا قريب جدا لما نتقابل في الإجتماع
بس بلاش موضوع المدونة بتاعته دي
ماتدبسيناااااش بقى
لما يكبر يبقى يعملها هو
_______________________
لولا
أشكرك جدا على تعليقك الرقيق و بجد هو ملأ حياتنا فرحة من أول لحظة
نورتيني
_______________________
أميرة ويلز
شكرا يا زميلتي العزيزة
عارفة لما قرأت التعليق بتاعك تخيلته و هو عريس و حسيت إن المشوار لغاية اليوم ده طويل جدا ، ربنا يقدّرنا و يعيننا
تعالي الإجتماع الجاي و إنتي تعملي فيه إللي أنتي عايزاه و خصوصا أن الإجتماع الجاي حايكون عندكم

قلوب حائرة said...

مبرووووووووووووووووكات انا بقى تفتكر انا مين حد تعرفه بس من شغله لكن مش اتشرفت واتعرفت عليكم لسة خلاص خلاص هقول اهو انا بيبووووووووووو قلوب حائرة يووووووووه مقصدش بدرية مبروك كتير وربنا يجعله يارب فتحت خير علينا كلنا يارب ويجعل قدومه قدوم كل خير ويكون نصرلابويه ولدينه يارب

Anonymous said...

الف مبروك
بارك الله لكما فية
وانشاء الله يكون ذرية صالحة


عمرو غريب
مدونة بيت الرياضة

أشرف حمدي said...

بسم الله ما شاء الله ، ربنا يخليهولك
انا بقى ابنى اسمه عمرو :)
تحياتي

KING TOOOT said...

قلوب حائرة
الكومنت بتاعك كان قبل ما نتقابل و ردي عليه جاء بعد ما اتقابلنا
زميلتي العزيزة ألف ألف شكر على دعائك لعمر على المدونة و كمان في الحقيقة
تحياتي
_____________________________
عمرو غريب
أنا سعيد جدا أنك رغم انشغالك الشديد و إمتحاناتك حبيت أنك تبارك لنا على عمر
ألف شكر يا عمرو و شد حيلك في الإمتحانات ربنا معاك
_____________________________
د / أشرف حمدي
ألف ألف شكر ، نورتني بجد و نورت مدونتي المتواضعة ، وصلتني أخبار المولود الجديد عمرو و كمان عرفت انه أتولد في فترة قريبة من ولادة أبني عمر
ألف مبروك ليك أنت كمان على عمرو و يارب تشوفه أحسن الناس كلها
تحياتي و إحترامي
_____________________________
KING TOOOT