هو أنتِ لسه ما تعرفيش
أن في عنيكِ الكلام ما بينتهيش
و أن نظرتهم بجد
لأي حد
جناحات و ريش
حرية غيرها ماتلاقيش
من غيرها مش بأعرف أعيش
هو أنتي لسه ما تعرفيش ؟
أنك أنتِ نور حياتي و الدفا
برد ماضيا اختفى
بقى حضن مليان بالوفا
يحضن عيوني و لهفتي
يفرش بنوره سكتي
عشان ظلام غربة طريقي
ماتخضنيش
هو أنتِ لسه ما تعرفيش ؟
أن قلبي راح خلاص عندك و تاب
عن ليالي عاشها مستحلي العزاب
عن سنين قضاها يستني ف سراب
دلوقتي حزن خلاص مافيش
دلوقتي وحدة خلاص مافيش
دلوقتي حرية قلوبنا
خلقتلنا جناحات و ريش
ولاّ أنتِ لسه ما تعرفيش ؟
.jpg)
8 comments:
سواء الحبيبة سواء الوطن البعض لن يعرف إلا عندما تنتحر كلماتنا تحت أقدامهم,
أحاسيسك رائعة يا صديق,
حائر في دنيا الله
تنتحر كلماتنا و روحنا أيضا كل يوم عند أقدامهم
و ننتظر الحياة من عيونهم
شكرا على التعليق
لسه ما عرفتش
و مش هاتعرف
حب الوطن فرض عليا
لكن هو ا بيحب مين؟
ولاّ أنتِ لسه ما تعرفيش ؟
ده كله ولسه ماعرفتش هى ما بتدخلش مدونات ولا إيه
ده الشارع كله عرف
ههههههههههههههههههه
رائع كالعاده ياملك
إسلام يوسف
الوطن بيحبنا كلنا يا إسلام و أحنا كمان بنحبه بس المهم أحنا بنحبه أزاي
_________________
شادي
صديقي العزيز ،، أنت فين يا أبني من زماااان ،، دا أنا أفتكرت حبايبنا مسكوك و عزموك عندهم شوية ، عموما ً الحمد لله أنك بخير
هي طبعا عارفة و كل حاجة
ربنا يخليها ليا يا رب طول العمر
________________
كلماتك حلوة بجد
بجد بجد
حلوة أوى
ايه الحلاوة دى والرمنسيه انت اكيد بتحب وسعيد فى حبك
بجد انت كلامك
جميل
جدا جدا جدا
وجميل موووووووووووووووووووووت
حلم
ألف شكر على تشجيعك لي
__________________
إبن الشارع
الحمد لله أنا فعلا ً بأحب و سعيد في حبي لأنه حقيقة و مافيش فيه اى زيف أو خداع
شكرا ً جزيلا ً على كلماتك الرقيقة
Post a Comment