Pages

ألف ضحية



ألف ضحية

ألف بريء ماتوا فى المَيّـه

ألف غريق

لا ,, ألف و مية

ماتوا فطيس

من غير دية

و حاننساهم بعد شوية

و حانتلهى فى الماتش الجاى

ما هو فى كتير قوى ماتشات جاية

يبقى نبطل بقى نتكلم

عن حالنا و حال الحرية

يبقى نبطل بقى نتـفلسف

و نقول أسباب مش حقيقية

لازم نعرف أننا مُـتـنا

يوم ما سكتنا على الحرامية


6 comments:

Moia said...

منهم لله
الله يرحم كل اللى ماتو ويحرق كل اللى موتوهم من غير ما يبكوا عليهم

shady said...

لازم نعرف إننا متنا
يوم ما سكتنا عن الحرامية
أى والله ياكينج ربنا يفتح عليك ياسيدى

ام المريله الكحلى said...

حراميه وسكتنا عليهم
لا وكمان قتلوانا وساكتين
فاكرنا ممكن نتكلم بعد كده
اقولك ايه
كلمه قديمه شويه
بس هاقولها
فى المشمش

adhm said...

طعن الخناجر
ولا
حكم الخسيس
فيا

Romantic Rose said...

صح يا سيدي و الله ..

و عجبي ..

islam yousef said...

سكوت حنموت