Pages

من كسوفى


فى ذكرى رحيل الزعيم الخالد
جمال عبد الناصر
________________________
مش عارف أبكى
ولا أخفى
عينى عنك من كسوفى
أصلى أنا ضيّعت نفسى
بعد منك
وسط خوفى
مع أنك أنت قلتلى
ماتخافش يوم
مع أنك أنت علمتنى
لما أقع ,, أقوم
مع أن كان قلبك طريقى
مع أن صوتك كان صديقى
مع أن حنية دموعك
بلت لى ريقى
فضلت عطشان م الهموم
قلعت بعدك كل المبادىء
و الهدوم
و الكرامة و الشرف و الفنون
و العلوم
و لبست بدلة أكروبات
و عملت أراجوز فى الموالد
ورقصت على كل الموائد
و لعبت على كل الجهات
و فضلت فاكر روحى ناصح
مع أن كان العرض فاضح
نفسة أنه لسرقتى
رقصت فيه بفرقتى
علشان أسيب غيرى يدور
و يلف من خلف التابور
يسرق بعلمى و مباركتى
كل الحاجات
و يغتصب كل الحقوق
و يغتصب بالمره برده
كل البنات

4 comments:

Hany Mihanny said...

توووووووووت

shady said...

عمود الخيمه وقع
هكذا قالوا يومها

Ahmed Shokeir said...

عندك حق فى كل كلمه

إنت بتجيب الكلام ده منين .. وبتكتبه إزاى

freeSoul said...

you write very nice poetry, although i don't love Nasser but your text is so beautiful