Pages

رفــّـا مشاعــر


قلبـِك حاضن كل الناس
مش بس مجرد أحساس
دراعاته دايما ً مفتوحة
للخير ع الآ َخر
قلبك أنتى بأحس بأنه
رفــّا مشاعر
قلبك أنتى يضم كأنه
سعيد على طول
عمرى ماشوفته فى يوم مقفول
ف وش جريح
حبك للناس ,, كل الناس
حب صريح
مهما عيون الناس بتقول
مع أن عيونهم فيها كتير
م التجريح
بس أنتى كأنك مش شايفه
واقفه وسطيهم مش خايفه
و حنانك وافر
قلبك أنتى بأحس بأنه
رفـّا مشاعر
كل أسير للحزن بأيدك
أصبح حر
عمر ما داء من عسلك حد
ولقاه مر
عمر ما كان قلبك مش قادر
عمر ما كان أحساسك فاتر
قلبك أنتى بأحس بأنه
رفـّا مشاعر

5 comments:

Romantic Rose said...

الشعر ده انا حسيت ان ليه ملهمه موجوده .. هو مجرد شعور لكن انتابني من اول بيت او اتنين. صح؟

عن سهوله اللفظ و قدرته علي الوصول مش هقدر اقول اكتر من بسم الله ما شاء الله. يا ريت تكتب كتير يا كينج و تجود دايما و تطلع حاجات حلوه زي رفا المشاعر و احلي ان شاء الله.

KING TOOOT said...

رومانتيك روز
أشكرك جدا ً على رأيك و أهتمامك و صدقينى كنت مستنى أسمع رأيك و أسعدنى جدا ً لما قرأته
أما بخصوص موضوع ملهمة هذة الأبيات فأحساسك صحيح
KING TOOOT

Romantic Rose said...

أي خدمه .. ;)

masry said...

dear sir please sharing us in that ....
http://bokra-a7la.blogspot.com/
and also u can get the boster from ....
http://wa7damasrya.blogspot.com/
or..
http://www.misrdigital.co.uk.tt/

shady said...

جميل كالعاده الى الامام يا كينج