أفتكرتك

أفتكرتك ,, لما كنا صغيرين

لما كنتى معايا عالبحر من سنين

يومها كان عقلك بيحلم جنب كتفى

يومها كانت ايدك أنتى حاضنه كفى

يومها كنتى معايا بتحاربى فى صفى

و المعانى مليانه طيبه

والمشاعر كانت رهيبه

مليانه سحر

يملى بحر

و المد يفرش بساط حصير

حصى و موج

لكن خطير

على كل قلب يعيش يحب

نفس المكان

نفس الحكاية هى هى

نفسها حصلت زمان

و بتحصل الأيام دى تانى

و كأنها عقرب دقايق

أو ثوانى

و كأن ساعة الحب قررت الفراق

و كأن هجر الحب بقى عله و داق

و هو مين فينا مادقـش

بس مين فينا أللى فاق

و مين ما فاقش

29 / 6 / 2005