Pages

ولا كان في بالها

ولا كان في بالها
وهي نازلة في اي يوم
إن إيد ممكن تشيل
عن جسمها ستر الهدوم
ولا كان في بالها إنها
ممكن تشوف خرزان و شوم
ولا كان في بالها تحذيرات
أو عساكر ببيادات
كأنهم غربان و بوم
ولا هي راحت ترمي طوب
ولا غاوية عافية أو حروب
ولا عارفة حتى غير يادووب

إن مصر بأهلها
وبجلالة قدرها
لازم تقوم


4 comments:

نيللي على said...

حسبى الله ونعم الوكيل, ربنا على الظالم

نفس توَّاقة إلى السكينة said...

ربنا ينصرنا يسقط يسقط حكم العسكر

نفس توَّاقة إلى السكينة said...

ان شاء الله ربنا ينصرنا يسقط يسقط حكم العسكر

eskandarany said...

جميلة جدا ومؤلمة في نفس الوقت....يا رب مصر