Pages

في عيد زواجنا


تتدفق الذكريات ، لتغرق مخيلتي في أمواج من الحنين و الدفء ، وتحتضن عقلي بذراعين من حرير ، حبيبتي ، يا زوجة عمري و شريكة حياتي ، و صفائي وسط عكر الحياة ، وطيبي عند كل دنس ، حبيبتي ، يا عِشق روحي في زمنا يعتبر العشق تهوّر ، والحب فجور ، يا أصفى ما في هذا الكون ، أنظر إلى الذهب يلمس جيدكِ و أتعجب ، كيف له أن يتحمل ذلك النور النابع منكِ ، أكاد أجزم أنه كان سعيدا جدا لحظة أن لامسته النار لتصنع منه حليا يرقى أن يكون عبدك ، كم هو رخيص كل غالي و ثمين حينما يوضع بجوار طيفك ، و كم هي الأشياء عادية جدا عندما توضع بجوار جمالك الأخاذ ، منذ النظرة الأولى عرفت عينان معنى الروعة في كل شيء ، و عرف قلبي طعم الحلم و الحقيقة
دعوت الله في صلاتي أن تكوني شريكة عمري و أم أولادي و سكني و أهلي ، وعلى قدر كرم الله وجودِه ، كان عطائه لي أن أهداني أياكي ، يا ملاكي ، يا من أعطتني كل شيء بلا مقابل و بلا حدود
أحبك
أحبك كما لم يعشق حبيبا من قبل

3 comments:

candy said...

ربنا يخليكم لبعض
ويبارك حياتكم دايما
ويملاها افراح

متابعة من زمان الحب الجميل
واللى عاجبنى ومفرحنى بجد -ومش بحسد انا ساندة ع الخشب- أنه مستمر بعد الجواز بالجمال دا

بتدونى أمل

يارب دايما مع بعض بكل خير وحب وسعاردة وفرح وأمان

ويخليكم أبنكم ويفرحكم بيه :)

فاتيما said...

آه يانى

وبعتشيييين !!!

طب انا مش هتكلم ولا اقول حاجة
بعد اللى قولته دا يا وليد

غير ربنا يحفظكم
ويخليكم لبعض
وخايفة عليكم من العيييين
والناس الشريرة خلقة ...
اللى مش هتمسك الخشب ..
زى كاندى الرقيقة ...
وكل حد بيحبكم زى حالاتى
وفرحان بالحدوتة الحلوة دى
اللى يارب ما تخلص ابدا
ونفضل نحكيها كل ليلة ..

الصورة دى مجرد هدية بسيطة
و اعتبرها منك لهبة
ومن أرق مخلوقة ف الكون .. ليك

ربنا يحفظكم
ويخليلكم عمر وتخاووه

أشوفكم على الف خير بكرة
لو هتقدروا تيجوا

ودايما ... يا رب

--------------------------
http://weheartit.com/entry/17492413
--------------------------

ابراهيم رزق said...

عيد سعيد
و ربنا يتمم عليكم الفرحة و الحياة السعيدة

انا كنت بقول فيه واحد اعرفه متزوج و سعيد
دلوقتى بقول فى اتنين

تحياتى