Pages

يا ميدان من غير إخوان

تحرير يا ميدان
من غير إخوان
ولا سلفيين
ولا تجّار دين
ولا ذقن تتاجر بالأديان
ولا راس بزبيبه و ألف لسان
ولا صوت نعسان
ولا صوت شمتان
ولا صوت كذّاب ولا ناس واطيين
ولا حد بيضحك ع المساكين
ولا حد بيلعب بالأوطان

ولا كوم تصاريح

ودموع تماسيح

و عيال مفطومة على التجريح

رافعين شعارات زي الأكفان

فاكرين الشعب المصري جبان

بس إنت خلاص يا جميل

يا أصيل

يا ميدان مجعوص على شط النيل

مليان ثوّار

شرفا و أحرار

ملهمش مرارة على التخوين

مافيهمش غباء زي التانيين
ولا همّا جماد

ولا همّا فساد

ولا همّا عبيد مكتب إرشاد

ولا همّا خدم للوهابيين

الناس جوّاك

يا ميدان حامياك

والعاصي في قلبك يبقى ملاك

والخايب يبقى صلاح الدين
وبقيت يا ميدان
من غير إخوان

صلينا في أرضك بالإنجيل

وكمان صلينا بالقرآن

2 comments:

sony2000 said...

الله عليك

بجد كانت ايام لاتنسي:)

وحلوا التجديدات
سلمت من كل شر يارب

بروكسي said...

رائع جدا يا صديقي اتمنى لك مزيد من الابداع

بروكسي
خلفيات بلاك بيري
مدونه