Pages

هو مش إحنا أصحاب الثورة ؟؟؟



كل حيطان الثقة جوّايا إتقلبت خوف

كل فيراني في عبّي بتلعب ع المكشوف

كل حماس إتحوّل شك

كل إيمان مجموع إنفك

كل الفخر هرب جوّايا عشان مكسوف

هو مش إحنا صحاب الثورة

ولا صاحبها مش معروف

هو مش إحنا الشعب الثائر

ولا رجعنا لبسنا خروف

هو مش إحنا الشعب في مصر

هو مش أحنا هدمنا القصر

هو مش إحنا هتفنا و قلنا

ثورة ثورة حتى النصر

ليه قلبنا بقى ع الحرية

مش متوغوش

ولا ملهوف

حد يقول لي يا ناس أنا شايف

ولا خلاص بطّلنا نشوف

0 comments: