Pages

الميدان جنبك قريب



إرفع جبينك فوق و علّي

و إحتمي بحلمك و خللي

راسك المرفوعة تنزل

بس لو ساجد تصلّي

أوعى يوم تنسى الشهيد

أو تشوف حلمك بعيد

أوعى يوم يا ولدي تفصٍل

السلام عن الحديد

شيل طموحك وأجري ضفّر

حبل م الأحلام و كفّر

عن سكوتنا ياولدي و إعمٍل

مهرجان و أرقص و صفّر

نُط من سجنك و طير

وإكتشف سموات كتير

هات خيوط الحق و إغزل

توب لبلدك من حرير

جيلنا قام بالثورة ليك

لجل ما تفتّح عنيك

تلقى شمس الدنيا تعدل

في إللي مايل و تناديك

خللي أخوك جارك حبيب

وأوعى تسمح للغريب

يوم مابينكم ييجي يعزٍل

والميدان جنبك قريب

2 comments:

sony2000 said...

جمدا جدااااااا جدا:)

KING TOOOT said...

sony2000
أشكرك
جدا جداااااااا
KING TOOOT