Pages

من جيل لجيل



مش حاأقول إن إنت كنت بطل همام

مش حاأقول إنك أصيل

مش حاأقول إن إنت زرع

و إن إنت بحر

و إن إنت نيل

مش حأقول إنك عملت المستحيل

مش حأقول وأكتب غناوي أو كلام

حتى لو كان عندي ليه

مليون دليل

بس عايز أقول وحشنا

أصلي لما بأشوف عنيك مليانة طيبة

بس خِشنة

بأفتكر أيّام رهيبة

بأفتكر أيام في جيشنا

لمّا أول مرة صوتك رن

خدنا

هزّنا و مزّع سوكاتنا

أصبح الزوّاد و زادنا

يومها حسيت إني مصري

وإني عايش

وإني لابس إسم وطني

لفّ خصري

زي قايش

يومها حبّيت السلاح

وإرتحت جنبك ع المصير

جنب جرن السرس لأسمر

والسواقي

والحصير

وسط مصر

أصلك إنت بسيط يا ريس

و إبن غيط

مش إبن قصر

ولا كان في عيلتك يوم أمير

ولا كانش حيلتك طول حياتك

غير ضمير

بس إنت اصبحت الدليل

ضيّ و سبيل

ونور بيضوي بالكرامة

من جيل لجيل


4 comments:

الحياة الطيبة said...

كلمات أكثر من رائعة من قلب وفي KING TOOOT تحياتي.

KING TOOOT said...

الحياة الطيبة
أشكرك على المرور
وعلى التعليق الجميل
___________________
KING TOOOT

liel99 said...

rabena y5aliko lba3ad

i realy miss u bothhhhh

liel99 said...

ana dodda ya walid we salemli 3ala bobo we 3amoora