Pages

تخطفني عنيكي

تخطفني عنيكي مابين الناس و تشيل من قلبي الخوف

تضحك و الفرح ماليها رغم الحزن و أي ظروف

تفرش قدامي السكة وتوّريني هاأروح على فين

تحضنّي بنظرة رقيقة بتدفّينا إحنا الإثتنين

ياحبيبتي ردّي عليا إنتي بشر و لاّ إنتي ملاك

ولاّ إنتي كل الدنيا الحلوة بحالها هناو هناك

بجمال الروح في عيونك أنا بعيوني بأبص و أشوف

وإن غبتي عليا دقيقة قبل ما تخلص أكون ملهوف

أنا قلبي و عقلي يا "بوبو" دايبين فيكي و مش عارفين

من قبل لقاكي و حبك كانوا إزاي الإثنين عايشين

8 comments:

فاتيما said...

يااااااااااااه يا وليد

اخيرا

يا كرم الله

اخيراً ظهرتم يا عصافير الجنة ؟

يا عم محنا عارفين ان بوبو عيونها خطفاك من بدرى وموافقين ومبسوطين وحابين ومنتظرين تخطفك تانى وتالت وعاشر والف
بس انتوا فييييييييين ؟!!


حمدلله ع السلامة يا راعى الملك
ممكن تطمنوا
اختكو فاتيما المقصرة جدا
عليكم ؟

فاتيما said...

ازاى عمر بيكا ؟

وهبة ؟

وانتا يا غالى
عامل ايه ؟

كنتوا بتقروا نداءاتى لما بيبقى فيه لقاء ولا كمان مكنتش بتطمن على اختك ؟!!

فاتيما said...

آه

اهم حاجة


وحشتوناااااااااااا

Unknown said...

جميل اوى اوى

Unknown said...

يااااه ياملك :)
أنا مقاطع العم بلوجر من البوست الأخير عندى ،،،، بس لما شفت اسمك فى الايميل بتعلق على المدونة جيت جرى على كنج توووت قبل حتى ما أشوف تعليقك عندى ،،،
قليلين الناس اللى بنتعلم منهم الجمال و الحب بدون كلاكيع ،،، ربنا يبارك فيك يارب و فيكم و يبارك لكم فى عمر
لو بتختبر غلاوتك عندنا ،،، اطمن و متعملهاش تانى الغيبة الطويلة دى الله يخليك ،،، على الأقل ابقى طمنا عليك

عود حميد و جميل ياجلالة الملك

KING TOOOT said...

فاتيما
إطمني يا أختي العزيزة علينا ، إحنا بخير و الحمد لله ، واجهتنا ظروف صعبة جدا الفترة إللي فاتت و سافرنا خارج مصر فترة طويلة و الحمد لله الآن بدأت الظروف دي تتحل و إن شاء الله كل الأمور تكون كويسة في القريب العاجل
إنتي كمان واحشانا جدا و وحشتنا لمة المدونين ولقائاتهم الجميلة ، على العموم إحنا خلاص رجعنا مصر و إن شاء الله نتقابل عن قريب
هبة كويسة و حاتبعت لك قريب جدا
وعمر كمان كبر و بقى أشقى من الأول بكتييييييييير
سلام خصوصي مني أنا و هبة و بيكا ليكي و ليوسف
يا أم يوسف يا غالية

KING TOOOT said...

عصفور السطح
ألق شكر
أوي أوي

KING TOOOT said...

أحمد عبد العدل
وحشتني جدا جدا يا أبو حميد
والله إنت و فاتيما أول مدونتين علقت فيهم أول ما رجعت مصر و دخلت على النت
قول لي بقى إنت ليه مقاطع العم بلوجر ؟؟
أوعى تفكر تبطل تكتب
لا .. أزعل منك بجد
يا أحمد على الأقل لازم نتكلم ، ماينفعش نسكت كلنا
سلام كبير جدا و عايز أعرف إنت نزلت مصر ولا لسه ؟ ولو لسه عايز أعرف إنت نازل إمتى ؟
الأسئلة كلها إجباري
هههههههههههههه
تحياتي