Pages

ملائكية الروح


لم تكن تلك المرة الأولى التي أتأمل فيها وجهك و أنتي نائمة

لم تكن المرة الأولى التي أتعلق فيها بشبح الإبتسامة المرتسمة على شفاهك الجميلة البريئة

فأنا أواظب على هذا الفعل كل يوم

ألف ألف مرة تأملت وجهك الملائكي

حتى نُقش داخل مقلتاي و قلبي و عقلي

أصبحت أندهش جدا من أنكي تحيين بيننا نحن البشر

هكذا بكل بساطة ، دون أن نتعجب أو تتعجبين

ياترا كم ملاك مثلك يحيا بيننا هكذا في بساطة ؟

أنا لم أقابل ملاك غيرك حتى الآن

يذكّرني صديقي أن وصفي لكي بالملاك قد يكون متجاوز بعض الشيء

أوضّح له أنني أقصد أنكي ملائكية الروح

فالبرائة و الرضا و الطيبة التي تحملينها ، هي ملائكية بالطبع

فأنتي البساطة في أجمل صورها ، وأنقى تعابيرها و عباراتها

هكذا أراكي ، وهكذا أنتي .

حبيبتي

ها أنا أعود لوجهك النائم

أحاول أن أعيد رسم قسماته على عيني

حتى لا ترى غيره عندما يحتضن جفناي صورتك لأنام

أغمض عيني وأمد أناملي لتتلمس أناملك المرتخية

تشعرين بلمساتي الحانية

فترنسم إبتسامة الرضا و الطمأنينة على وجهك

تقبّلين يدي و تحتضنين كفّي بين أناملك الرقيقة

أشعر أنني أمتلك العالم

فمن أسعد مني على وجه هذا الكوكب

فقط أنا

الوحيد الذي فاز بالحياة

مع ملائكية الروح

8 comments:

صيدلانيه طالعه نازله said...

الله على الحب
ملائكيه الروح مش خساره فى حد راقى و حنون و حساس زى حضرتك

ربنا يخليكوا لبعض و يهنيكم
و يجعل ايامكم كلها سعاده

لــــ زهــــــراء ــــولا said...

وليد
-*-*-*

عنوان البوست اكتر من رائع 000
الصوره كمان رقيقه جدا جدا

الكلام مشاعره راقيه اوى اوى اسلوب متميز كالعاده الله اكبر عليكم ..
بص يا وليد بما اننا فى بعض الاحيان بنقول على فلان انه شيطان والعياذ بالله يبقى برضه فى ناس المفروض يتم وصفهم بانهم ملايكه وقد احسنت اختيارا بملائكية الروح ....
فى انتظارك ان شاء الله فى لقاء اليكس انت وبوبو ربنا يبارك لكم فى بعض ويحفظكم ويبعد عنكم كل حاجه وحشه

زهراء

ميرا ( وومن ) said...

وليد ممكن طلب قد يبدو سخيف شوية

ممكن استلف منكم سوفت كوبي اوريها لناس اعرفهم بينكروا وجود مثل هذه المشاعر الراقية الرقيقة في دنيانا

حفظك الله لها وحفظ ملاكك لك

بخاف تنحسدوا ربنا يبعد عنكم كل شر

sony2000 said...

والله بخاف عليكو من القررررررررررر والحسد اللي شغالين اليومين دول
يارب يبعد عنكو كل شر
اللهم امين:)

Unknown said...

ما زلت واثق ان اللى بيحب بصدق أقوى بكتير من الحسد
ربنا يخليكم مش بس لبعض ،، لكن فعلاً احنا كمان محتاجين نشوف نماذج لبنى آدمين لسه بجد بيعرفوا يعنى ايه حياة
فعلاً الكلمات مش ساعفانى خالص للتعبير عن امتنانى و سعادتى بمعرفتك ياملك

هموس said...

King TOOOT,

دام الهامك بهيئته الملائكية حتى تمتعنا بنثر جميل يحاكيك ويحاكيها...نعم صدقت ان كانت تلهمك ملاكا فأيضا سيقول لك صديقك انك تجاوزت في هواك الحد...ولكن ان علم ان الملائكة تنتخب من بين البشر مستحقيها سيعي أنهم احيانا يحمون بين البشر...تحية لملهمتك ولكلماتك

KING TOOOT said...

صيدلانية طالعة نازلة
أشكرك جدا على تعليقك الجميل ده
خالص تحياتي لكي
ولزوجك وأولادك
__________________
زهراء
يا رافعة معنوياتنا
ههههههههههههههههه
نورتي المدونة
مش عارف موضوع لقاء أليكس ده حاينفع ولا لأ
ربنا يسهل
___________________
ميرا ( وومن ) ا
من غير إستأذان يا فندم
ده يشرفني
نورتي المدونة
___________________
sony2000
لا أحنا لا بنخاف من قر ولا حسد
برررررررررر
ربنا يستر
ههههههههههههه
___________________
أحمد عبد العدل
صديقي العزيز
كلامك كله صح بخصوص الحسد
وإحنا بجد مبسوطين إننا قادرين نكون مثل كويس وسط الناس
نورتني يا أبو حميد
مش حانشوفك قريب
؟؟
____________________
هموس
سعدت بمرورك و بكلماتك الجميلة
دامت زياراتك لمدونتي المتواضعة بإذن الله تعالى
ودامت تعليقاتك المشجعة
خالص تحياتي و تقديري
___________________
KING TOOOT

shimaa elkholy said...

شوف الصدف السعيده بقى يا فندم

انا كنت اول امبارح فى القاهره الجديده

التجمع الخامس فى منطقة الفلل

عمي هناك كنت بازوره

وفعلا ده رايي فيها

وسالت نفسي ليه الناس الى قاعدين فى القاهره دول قاعدين هناك

انا كنت عند عمي التاني فى مدينة نصر

شارع مكرم عبيد

وقفت فى البلكونه ابص على المحلات حواليه والسيتى سنتر والزحمه والعربيات الى بتركن بخمسه جنيه عشان كمب المول

وبصيت من الشباك الخلفي بتاع شقتهم الى بيبص على السيتى سنتر من الجنب وملعب الكوره الى وراه والعمارات

وافتكرت من عشرين سنه لما كنت بابص من الشباك ده الاقي صحرااااااااااااء

فى ما عادا مكان كبير متحاوط بصور وفيه عربيات فيات واقفه كتير ومكتوب علي المكان يافطه النصر للسيارات

ومشيت فى الشوارع بالعربيه فى مكرم عبيد والعقاد والزحمه مووووووت والخنقه والزباله فى الشوارع بشعه
واتحسرت على كل شيء جميل بيبوظ

لما روحت القاهره الجديده

على بعد عشر دقايق ربع ساعه بالكتير من مدينة نصر

ليه بقى الناس متمسكه بالزحمه لييييييه

ربنا يسعدكم ولو اعرف انكم هناك كنت عديت عليكم
ههههههههههههههههههههههههههه

ما لحقتش اقابل اي حد كانت زياره قصيره فى اربعه وعشرين ساعه