Pages

قصة و غنوة وشعر و نثر

على ضي نجوم و هلال الفجر

ألمح فوق شفايفها البسمة

تصبح لي الأيام مبتسمة

وجبينها ينوّر

شمس

و بدر

وأستعجب ع المكتوب و القسمة

وأرسم قلب

و فوق الرسمة

أكتب غنوة

و شعر

و نثر

وأبقى الفارس

لو بتخاف

ولو في البحر

أكون مجداف

قلب حبيبتي

ياناس شفاف

جوة في حضني

الدفا و الستر

أكتب غنوة

وشعر

ونثر

أكتب فرحة وصوت زغاريت

و على بالليل أكتب حواديت

صوتها الهادي في وسط البيت

بيدفّينا بجد بشكل

أكتب فيها

ودايما فيها

قصة

وغنوة

وشعر

ونثر


6 comments:

Ms Venus said...

الله عليك


بجد جميلة اوى


تسلم ايدك


تحية ليك

sony2000 said...

بجد روعه جدا
جدا
شكرا ليك:)

Unknown said...

تسلم إيدك بجد .. أسلوبك دايما يبهرني ، السهل الممتنع البسيط الممتع

ربنا يكرمك ويعزك يارب

لــــ زهــــــراء ــــولا said...

وليد
-*-*-*

الصوره تحفه ... تحفه .. تحفه
فيها من الرقه والشياكه والمشاعر الرقيقه الكثير والكثير ...
عنوان البوست اكتر من رائع باختصار كده كل حاجه ممكن تكتبتها فى حبيبتك

اول جزء فى القصيده ولتمسح لى ان اطلق عليها قصيده رغم انها تحفه فنيه
انت بتقول على ضى نجوم الليل يعنى الجو بيكون عاتم الى حد ما تخيل ان الجو فقط فيه نجوم الليل فقط ومعها هلال الفجر
لكن بسمتها تعطى الى الجو ضوء وتستطيع ان تشاهد فيه البسمه عن جد ....
مجرد بسمتها تخلى الايام مبتسمه ما شاء الله قمة الرومانسيه ...

وجبينها ينور بدر وشمس التضاد بيعطى روح جميله للمعنى ...

الكلمات تاتى بعد ذلك سهله فيها من الهدوء والسلاسه ما يعطى للكلام نوع من الحب الجميل الهادئ نذهب معه الى جو هادئ يملاه العبير من كل مكان وكأن حبيبتك هى هبه من الرحمن اعطها لك ومنحها اياك علك تشكر الزمان على هذه المنحه والهبه الربانيه ....

تصفيق حاااااد
انا عارفه انى بارغى كتير والله على قد ما قدر باختصر فى الكلام ....
على فكره موضوع السن ليس فيه اى جراه حتى لو كان فيه اطمن اختك جريئه بما يكفى يعنى واحده عماله تكتب فى نقد شمال ويمين تبقى مش جريئه
بلغ سلامى لبوبو اللى على ما اعتقد انها زوجتك ربنا يبارك لك فيها ويفرح قلبك معها ......

زهراء

ميرا ( وومن ) said...

بجد الله عليك
اسلوب فعلا سهل بسيط ومعبر جداً جداً
ومليان صور جميلة

سلمت يمناك

KING TOOOT said...

Ms Venus
أشكرك جدا جدا على تشجيك الدائم لي
تحياتي
___________________
sony2000
خالص تقديري و شكري
___________________
إنسانة
أنا سعيد جدا إني بأقرأ تعليق ليكي عندي
أنا متابع عندك دايما بس يمكن أكون مقل شوية في موضوع التعليقات
___________________
زهراء
مش عارف بجد أشكرك إزاي على التعليق الجامد جدا ده
مبسوط قوي أن حد مهتم يحلل إللي باكتبه تحليل نقدي
وطبعا مبسوط أكتر إن التحليل في صالحي
هههههههههههههه
طبعا بوبو مراتي و أم إبني عمر
إنتي لسه عارفة دلوقت ؟
دي كل الحته عارفة و قربت تنزل في نشرة الساعة 9
ههههههههههههههههه
وهي زي ما أنتي قلتي بالظبط في التعليق
هبة من الرحمن
_______________________
ميرا ( وومن ) ا
أشكرك على التعليق الجميل ده
نورتيني
____________________
KING TOOOT