Pages

مجروح و برقص


مجروح وبرقص

وسط العتمة فوق جروحي

وأعض روحي

وأمسك دموع الفرح فيّا

وأشدّها

وأقولها

أوعاكي مرة في يوم تبوحي

أو يوم تنوحي

إوعاكي وسط الليل تروحي

وأفتح جفوني

و بنبض قلبي ونور عيوني

أسدّها

وأعمل لها

من نفسي غيّة فوق سطوحي

الصبح طايرة لسعدها

والمغربية أنده لها

ترجع تنوّر فرشها

وأفديها عمري وعمرها

أفديه بروحي

10 comments:

ميرا ( وومن ) said...

أعمل لها من نفسي غيّة فوق سطوحي
الصبح طايرة لسعدها
والمغربية أنده لها
ترجع تنوّر فرشها
وأفديها عمري
وعمرها أفديه بروحي

لم أجد سوي كلماتك التي قالت الكثير ولم تقل أكثر

دمت مختلفاً
تحياتي

كيكى عوووووو said...

***
ابتسامة مليانه ألم وفرحه
***
عووو

Unknown said...

سلامتك ياملك
بكرة حلو لعمر :) و بيه و بينا إن شاء الله
حاسب من الاحزان و حاســـــــب لها. حاسب علي رقابيك من حبلـــــــــــها. راح تنتهي و لابد راح تنتهــــــــــي. مش انتهت أحزان من قبلهــــــــــا؟
و لا عجب
تقديرى

فاتيما said...

مع ان كلى يأس الأيام دى بالذات


لكن لسه برضو
عندى امل
معرفش جيباه منين
و لا بمناسبة ايه
و الدنيا سودة كدا؟؟!!


بس كلنا تقريبا زيك
يا وليد

مجروحين
و بنرقص من الالم

ف معادها قوى
و حلوة قوى
و قريبة مننا قوى
و بتقول كل حاجة واجعنا قوى
و باين فيها حبك و خوفك قوى
و كلنا هنقولك

الله عليك
قوى قوى

sony2000 said...

إوعاكي وسط الليل تروحي

وأفتح جفوني

و بنبض قلبي ونور عيوني

أسدّها

وأعمل لها

من نفسي غيّة فوق سطوحي

الصبح طايرة لسعدها

والمغربية أنده لها
بجد كلام واحساس رائع
شكرا ليك:)

لــــ زهــــــراء ــــولا said...

وليد
-*-*-
على فكره دراستى الاصليه بعيده عن الحاجات دى كلها ...
وفى حاجات انا مش قولت لك انى درستها
بالنسبه بقى لموضوع السن 32 سنه ينفع كده او ايه رأيك مافيش عندك عريس هههههههههههههه
المفروض انا اللى اشكر محمد صاحب عمود النور مش انت ....
نيجى بقى للقصيده اللى اكتر من رائعه
اولا انا لازم احاول ادرس فن تشكيلى لان الصوره شدتنى جدا جدا جدا واكيد لها معنى بس للاسف مش عارفه اوصفه ...

عنوان القصيده مجروح وبرقص واو العطف هنا اعطيت سرعهاو يمكن اعطيت حاجه مش قادره اوصلها لانى ضعيفه فى العربي شويه
مجروح وبرقص ده فى حد ذاته قمة الالم لان فى الرقص الناس هتشاور وتقول شكله فرحان وواضح ان دى الفكره اللى نفضل ان الناس تاخدها عننا اننا فرحانين ولله الحمد ...
بتقول انك بترقص وسط العتمه يمكن علشان ماحدش يشوفك او يمكن لان دموعك ممكن تنزل وانت بترقص لانك مجروح او يمكن لان جرحك بينزف ...
المشاعر التى لم تكتب وسط كلامك ناضجه جدا وفيها من الالم ما يكفى لولادة الامل ....
هو انا بس ممكن اعتذرانى بارغى كتير على فكره لما حاجه تعجبنى بجد مش باعرف امسك نفسى فى الكلام
سورى ان كنت اوجع دماغك بالرغى اللى مش له اى لزمه ....
اتمنى لك مزيد من التالق والنجاح

زهراء

Ms Venus said...

كلمات جميلة جدا رغم انها مؤلمة

تحية ليك

سواحة said...

احترت
من العنوان
من البداية
من النهاية
بس
:-)

كفاية ان روحك بقت فى النهاية
حمام طليق
ينوح و يبكى و يهدل وقت ما يعوز
يروح و يجى و يلاقى مكان امن يبات فيه
اديها بتتربه و تكبر و تطير و تتمرن و بتونسك :-) و ديما حترجع لك مهما بعدت او غابت

خلى بالك من روحك و من الارواح الثانية الى متونسة بيها

KING TOOOT said...

ميرا(وومن)ا
أشكرك جدا على تعليقك وتشجيعك الدائم
تحياتي
__________________
كيكي عوووووو
طيب فرحة ماشي
بس بلاش ألم
__________________
أحمد عبد العدل
صديقي العزيز جدا جدا عليا
الله عليك يا أبو حميد وعلى عمنا صلاح
نشنت و نشانك رشق
__________________
فاتيما
أهم حاجة إنها لامسانا كلنا
وكويس برضو إني مش لوحدي إللي حاسس بالمشاعر اليائسة و الموجوعة دي
وبرضو أنا عندي أمل مش فاهم سببه
ولا عارف جايبه منين
نورتيني يا أم يوسف
___________________
sony2000
أشكرك جدا
وجميل إن الكلام عبر عن إللي جواكم
جميل إني خاسس إني [اشارككم حالة نفسية واحدة
___________________
زهراء
فعلا يا زهراء إحنا كلنا أوجاع من داخلنا رغم إننا بنضحك و عايشين كأننا ماعندناش مشاكل خالص
الإنسان بيحاول يظهر في صورة قوية رغم إنه في قمة الضعف
ياريت تبقى ترغي أكتر دايما
رغيك عندي له لازمة
أحييكي على جرئتك إنك تذكري السن
مع إني مش حاأقدر أفيدك في موضوع العريس ده
يمكن بوبو تقدر
هههههههههههههههههههه
حاأسألهالك
خالص تقديري
_____________________
Ms Venus
أشكرك على تعليقك الجميل
وأعتذر عن الألم إللي في كلماتي
____________________
Wanda
والله هي حالة ملغبطة على الآخر
بس إكتشفت من التعليقات إنها حالة جماعية
يمكن زي ما قال لي صديق روسي إن سببها تغيير الفصول
يمكن
_____________________
KING TOOOT

Anonymous said...

بنت مصر
شات بنت مصر
دردشة بنت مصر
دردشة مصرية
شات مصري
شات بنات مصر
شات
دردشة
بنات مصر
دليل بنت مصر
بنت مصر
شات بنت مصر
دردشة بنت مصر
العاب بنت مصر
فيديو بنت مصر
يوتيوب بنت مصر
جوال بنت مصر
موبايل بنت مصر
توبيكات بنت مصر
مطبخ بنت مصر
ازياء بنت مصر
الموضة بنت مصر
ماسنجر بنت مصر
صور بنت مصر
دردشة بنت مصر الكتابية
بنت مصر
دردشة كتابية مصرية
شات بنت مصر الكتابي
شات بنت مصر
دردشة بنت مصر
دردشة بنت مصر الصوتية
بنت مصر
شات بنت مصر الصوتي
دردشة بنت مصر
شات بنت مصر
دردشة صوتية مصرية
شات الحب