Pages

رُحتي فين ؟


إختفيتي يا مصر فين؟

دُرت طول العمر أدوّر

مش لاقيكي من سنين

رحت شرق ورحت غرب

تهت لجلك في البلاد

وفي كل درب

شوفت سِلم

وشفت حَرب

شفت ظلم كتير و كَرب

كل حلم حلمتهولك

كان حزين

كل لحن يا مصر ليكي

جوه قلبي

عاش سجين

حتى صوتي

حتى صوت أنفاس سكوتي

بين دموعي غرقانين

روحتي فين؟

ميين غواكي ؟

أي كلب ؟

أي عاصي ؟

مين رماكي بأي ذنب ؟

مين سقاكي تراب و طين ؟

مين يا مصر

قولي مين

بس قولي

إختفيتي يا مصر فين

إختفيتي من كسوفك ؟

ولاّ مش عايزاني أشوفك

طاب حاتلقي حد تاني

يبقى إبنك

حد غيري حايبقى دمك

ويشيل في همّك

حد غيري حاييجي يوم

يبقى قلبك

يبقى إسمك

يبقى رسمه في قلب رسمك

حد غيري حايبقى أصلي

حد غيري يامصر ممكن

يبقى مصري؟

13 comments:

sony2000 said...

بجد كلام رائع وحلو اوي
وكلنا ولادها
بس هي تقول بس
:)
يارب الايام اللي جايه دي ربنا يعديها علي خير
ويارب يطمني علي الجميع
اللهم امين

Unknown said...

ويبقى الأمل فى بكرة :)
تسلم لنا و تسلم لنا مصر يا ابو عمر
ربنا يبارك له و يبارك لنا فيك و فيها

فاتيما said...

حلوة قوى يا وليد

فكرتنى علطول بسيد حجاب
لما قال متغربيناش و تقولى قدر
متوهيناش فى موانى سفر
متضيعناش فى فدروب و فراق
هتجيبى مين زينا عشاق
فى قلوبنا حصاد
ف عينيكى مطر


الله عليك يا وليد
سلامى لهوبى و عمورة

بحبكمقوى قوى

لــــ زهــــــراء ــــولا said...

وليد
-*-*-

نحفه بجد
السؤال فيه اندهاش واستغراب عالى اوى وكانك بتحالو تلاقى اجابه ومع ذلك البوست خلص وانت لازلت تبحث عن اجاابه
تسلم الانامل ودمت متالقا

زهراء

Ms Venus said...

رائعة يا استاذ وليد


بجد تسلم ايدك


تحية ليك

P A S H A said...

جميـــلة جــــداً

تسلم تسلم تسلم

تصفيــــق

بجد بانبسط لما بامر من هنا

خالص تحياتي وعميق شكري وتقديري

:)

سلام

ميرا ( وومن ) said...

ميين غواكي ؟
أي كلب ؟
أي عاصي ؟
مين رماكي بأي ذنب ؟
مين سقاكي تراب و طين ؟

بجد تحفة ما شاء الله

Anonymous said...

حلو الانتماء ده

هموس said...

Amazing King Tout,

أوقفتني كلماتك كثيرا واذرفت من مقلتي غزير دمع
فأنت ابن حان ولكنك لست كل الأبناء
وانت صوت يقظ ولكنك لست كل الأصوات
هل جاء لك يوما تحاسب امك؟ حسنا
حاسبها ولكن دعها هي تحاسبك وتذكرك بكل عاق
ان زهوت فهو زهوي بابناء وعزائم وهمم
وان خبوت فلانتكاسة أصابت عرقي
ان وقفت بفخار يعلوا جبيني لأني ام لخير جند
وان تواريت من خجل فلأن هناك من جبن من ولدي
ان صعدت فلأنني في الكبر اتخذت من عضدك زندي
وان هويت لأنك كللت وسأمت من حملك لعهني
هو انا ذات الأم ومن الأمهات من يبتلين ببار ومن يبتلى بجحود
من أبنائي من يحقرني... ومنهم من يسلمني لسباب غريب وسلاطة سفيه
منهم من يقبل بتجريحي وانا جسدي على الكون ممد في ضريح
دعني أسألك ... عندما كنت في عزي ...وروعة عزتي وحلاوة ظفري
يوم كنت حصنا لمن احتمى...ودرع لمن اختبأ وطلب اللجوء ألم أكن وقتها ام الدنيا؟
ماذا فعلوا لي ؟ لاتقل انني لاأنتظر لأني ام ... ولاتقل أنني سأقبل الهوان والهم
ولاتقل أنني أحتمل ازهاقا لأرواح ولدي .... فان سألت وان عشت بين كل البشر
لن تجد منهم من يشكر أمك ذات الصلابة والقوة وشدائد العزم
لاتقل لاتحزني...ولا تقل لاتهني...ففي أزماني أتوق لمن يربت على كتفي
لمن يمتن ويحفظ المعروف وان كان بالقول
فان بحثت في أعماق من يقولون مصر انظر لأبنائي عندما ينعتون بالأجنبي
عندما نفضل عليهم عرقا نجس
عندما نهينهم ونذلهم وبحقد شديد نقتلهم لأن دماءهم تحمل اسم مصر
لاتحزن من كلامتي فان أمك لم يكسرها سوى جحود وتتمنى لو ان هناك من يقول فيها
قولة حق...لاتستمع لمتشدقين وانظر واسأل من الخليج لأقصى بلدان العرب
أمريكي أفضل عندهن من مصري...نحن لم نمكنهم من بلادنا فأسأل ذوات الشأن
ولاتطلب من أم أن تضع أبناءها كل يوم لأجل جاحد كباش فداء
لاتلوموني وتذكروا ان الأم يقتلها جحود ويهد عزمها سياط قتل.......
الملك توت ... ابن مصر وعظيم أنجبه رحمها....لاتحزنك كلماتي
فحقيقة أرى من منظور ام وأفكر بصوت عال واتمنى من كل منا أن يصدق القول
جل بنظرك واسمع فكل ام تحمي أولادها وعند الفداء يقولون مصر
(ماشي لن نعترض) ولكن ماذا تفعل تقديرا لها؟ هل تكرم أبناءها؟ لا
هل تحمد فعلها؟ لا هل تتذكر يوما دماءا أريقت فداءا لك وقلت فدوتها؟
أنظر لكل مصري في بلد عربي... وانظر لما يحدث معه وقارن بينه
وبين امريكي وله ذات المكانة بل يزيد عنه رفعة وعلو شأن وقارن
كل شيء مباح ومتاح ومسخر وان خالف تقليد وعادات وعرف
وعند الجزاء يبخس المصري الثمن...وعندما طلبوا دروع حماية طلبوها من عدو
وعندما تقول شاركنا في الدفاع عنكم يسخرون ويضربون في السخرية
ومارأيت عربي يسب في بلده وان كان لها من سواد التاريخ ما يكفي
لما ارى اهون من المصري في سباب لأمه وهوانها على نفسه
وقليل هم من كانوا مثلك ويحاجون على الأم ويربتون على كتف
دعوها في همومها فان عليها اعادة تربية وتنظيم لبيت
يجب ان تراعي جياعا وتلملم لحما كاد من الهوان ان يبخس في ثمن
تحياتي لك ولكل مصري غيور على بلده دون ان ينال منها ومن جلال قدرها بين الأمم
آسفة جدا للاطالة ولكن بحق أردت أن أعيش معك هذا الحوار الرائع

KING TOOOT said...

sony2000
يارب كل إللي بنتمناه ليها يتحقق
أشكرك على المرور و التعليق
___________________
أحمد عبد العدل
يا صديقي دايما زي ما أنت بتقول
الأمل في بكره
ربنا يبارك لنا فيك
___________________
فاتيما
سيد حجاب مرة واحدة
مابلاش الكلام الكبير ده
لأني ممكن آخد في نفسي ألم
هههههههههه
نورتي المدونة و التعليقات
___________________
زهراء
بجد أنا بأتبسط لما بأقرأ تعليقك أنتي بالذات قوي
ليه بقى
لأنك دايما بتحسسيني بأنك بتحللي القصيدة أو القصة تحليل فني
إنتي دارسة نقد ؟
خالص تحياتي و تقديري
___________________
Ms Venus
أشكرك على المتابعة
والتشجيع
والتعليق
وكل حاجة
نورتيني
___________________
P A S H A
والله و أنا كمان بأتبسط جدا لما بأقرأ تعليقك
خالص تقديري و مودتي
___________________
ميرا ( وومن ) ا
أشكرك جدا على تعليقك الرقيق
وأتمنى تعجبك كتاباتي دائما
___________________
star in the sky
وحلو التعليق ده
خالص شكري و تقديري
___________________
هموس
طبعا أنا سعيد إن كلماتي حركت كل المشاعر دي
وكانت السبب في وجود تعليق بالروعة و التميز ده
بجد مش عارف أرد أقول إيه ولا إيه ؟
كل كلمة في التعليق ده ممكن يترد عليها بمقال لوحدها
علشان كده مش عارف أرد
نورتيني
ونورتي مدونتي المتواضعة
_______________________
KING TOOOT

Anonymous said...

دردشة شات بنت مصر ، دردشة مصرية - مجتمع مصري ترفيهي للمرأة المصرية
دردشة
بنت مصر
شات بنت مصر
دردشة بنت مصر
شات مصرى
دردشه مصريه
شات بنات مصر
دردشة مصرية
دردشة بنات مصر
بنت مصر
دردشة مصر
شات مصر
دليل بنت مصر-شات بنت مصر - دليل الدردشات
دردشة بنت مصر،شات بنت مصر،بنت مصر،العاب بنت مصر
دردشة بنت مصر،شات بنت مصر،بنت مصر،يوتيوب بنت مصر
شات بنت مصر،دردشة بنت مصر،بنت مصر،جوال بنت مصر
بنت مصر،دردشة شات بنت مصر،توبيكات بنت مصر
دردشة بنت مصر،شات بنت مصر،بنت مصر،مطبخ سيدتى بنت مصر
دردشة بنت مصر،شات بنت مصر،بنت مصر،الازياء والموضة بنت مصر
شات بنت مصر،صور الماسنجر،صور دردشة بنت مصر
شات،شات كتابى،شات بنت مصر،شات مصرى،مصري

almanarh said...

كلامك رائع واعتقد انه يعبر عن وجهة نظرك
استملا وفقك الله
www.almanarheg.com

روح حياتي said...

يعطيك العافية
مدونة رائعة
الى الامام دوما



دردشة



شات مصرى



اكسب كروت شحن مجانا


شات روح
حياتي



منتديات روح حياتي




دليل مواقع
روح حياتي



العاب




اخبار مثيرة-حوادث
حقيقية-جرائم
 

الجن و
العفاريت,الاشباح,الرعب


غرائب الصور
والجرافيكس  


البلوتوث وبرامج والعاب
الموبايل


تحميل
البرامج,تحميل برامج كمبيوتر


الماسنجر MSN,توبيكات
روعة,صور مسن,توبيك


تحميل العاب
كاملة مجانا,تحميل الالعاب,تحميل العاب كمبيوتر



الادب و الشعر,شعر حب,شعر عزل,شعر رومنسى


اخبار السياسة المصرية والعالمية-اخبار السياسة العربية اليوم-اخبار
السياسة اليوم