Pages

مافيش قلق


تمن ساعات من غير قلق
طول اليوم مافيش قلق
أولويز
إمتصاص أكثر
وفوطة أكبر
تمن ساعات من غير قلق
طول اليوم مافيش قلق
مافيش دم
مافيش حيا

إللي إختشوا مااااااتوا

مع شديد إعتذاري للقارئات من الجنس اللطيف

16 comments:

P A S H A said...

اللي

Anonymous said...

من زمان

سواحة said...

:-)
اول ما بدات اقراء قولت 8 ساعات من غير قلق
اشمعنى الصورة ديه
ماعندك عدسات لاصقة للنظر 8 او 12 ساعة بدون قلق
عندك كريم اساس يمكن ان يستحمل 12 ساعة بدون قلق
:-))

انما لما ختمت المقال
برضه مفهمتش :-)

اصل الحياء نسبة و تناسب
يعنى الاعلان بالشكل ده هنا و لا الهواء
هنا فيه اعلانات انييييييييييييييييل
بيبقى مفيش بنى ادمين اساسا

يبقى ساعتها حتعرف انه لسه فيه نسبة دم موجوده

معلش هيه صناعة و لازملها اعلان علشان تجيب مكسب فلازم نعود الناس انها تلاقى الكلام ده عادى ازى
(بالتكرار و الزيادة فيه حبه حبه لحد محدش يحس انها زادت قوى :-(

محمد ربيع said...

أنا مش فاهم فين المشكلة؟

البنفسج الحزين said...

ايه ده هوانت مروحتش عزيت ...ههههههه
أمال بقا اعلانات الحبوب الزرقا والخضرا اللي ملت التلفزيون بجاحه والله العظيم ...

KING TOOOT said...

P A S H A
فعلا
إللي
______________________
star in the sky
الظاهر فعلا إللي إختشوا ماتوا من زمان بس ماكنتش واخد بالي
______________________
Wanda
مافيش كلام إنها صناعة و عايزة ترويج لكن الإعلان بالشكل إللي بييجي في التليفزيون ده إسلوب غير لائق لينا كمجتمع
إيه المشكلة إن الإعلان يتم بشكل تاني متناسب مع مجتمعنا
وبدون ما يخدش حياء بنت عندها 12 أو 13 سنه قاعدة بتتفرج على التليفزيون جنب أخوها
أو وسط العيلة بنات و ولاد
أو في مكان عام
الحياء شعبة من الإيمان يا جماعة
________________________
محمد ربيع
لو شفت إعلان التليفزيون حاتعرف فين المشكلة
________________________
البنفسج الحزين
ماعملوش للي أختشوا و ماتوا عزاء
أصلهم ماتوا فطيص
هههههههههههههههه
على رأيك
بجاحة
_________________________
KING TOOOT

adel said...

فهمت انا الكلام دلوقتي
:):)

shimaa elkholy said...

المشكله الالوان الحقيقه
فى اعلان المدرسه ده

خلى بنتى هاتجنن تفهم ايه الموضوع وهاضطر بجد اقولها مع انى كنت عايزه استنى شويه على الموال ده
بس الفضول بقى هايموتها

المدرسه والعيال من سنها وبتقولك مافيش قلق

وبعدين طيب الاعلانات دي الى اختشوا ماتوا ماشي معاك

طب والاعلانات بتاعة دوكهما نقدر نقول عنها ايه
الى اختشوا ما اتولدوش اساسا ولا ايه

محمد فؤاد (صاحب عمود النور) said...

هى جت على دى اللى هنقول فيها اللى اختشوا ماتوا يا استاذ وليد؟

بجد حاجه تكسف كل حاجه بقيت ع الملاء
انا ساعات ببقى مكسوف وانا قاعد مع اخواتى واشوف جزء فى فيلم او كليب او اعلان وبيبقى بيجح كدا
احسن حاجه الواحد مايتفرجش ع التليفزيون وخصوصا الفضائيات

بس الفكرة حلوه قوووى

Ms Venus said...

صدقنى مش عارفة اقول ايه

لــــ زهــــــراء ــــولا said...

وليد
-*-*-
اسمح لى ان اتناول الموضوع من وجهة نظر تانيه
بفضل من الله انى حاصله على كورس دعايه واعلان عارف فيه مبدأ الغايه تبرر الوسيله يعنى انت عاوز الربح كصاحب منتج مش مهم الدعايه تتعمل له ازاى ومع كامل احترامى الناس اللى تشتغل فى مجال الدعايه مش فاهميين يعنى ايه اسوق لمنتج
واحنا اطفال صغيرين كانوا اهالينا يقولوا اننا نتفرج على الاعلانات علشان مش ممكن يكون فيها اى حاجه لكن دلوقتى الاعلانات بقى تجاره رخيصه
بجد انا باشوف اعلانات واقعد اسال نفسى فين الرقابه
كل واحد تيجى فى دماغه فكره يقولها
وعلى فكرة كلمة الحياء تكاد تكون تم حذفها من قاموس كلامنا

اذ لم تستحى فاصنع ما شئت

زهراء

KING TOOOT said...

adel
شوفت بقى
بالزمة كان عندي حق ولا لا ؟
_____________________
ندى الياسمين
ده شيء تاني ماكنتش واخد بالي منه
لو بنت صغيرة لسه مش فاهمة قوي لأنها لسه ماواجهتش موقف مشابه
حاتسأل مامتها في وقت غير مناسب لأن الأم حاتكون شايفه إن بنتها مش جاهزة كسن أو كخبرة إنها تفهم شيء زي ده
______________________
محمد فؤاد
عندك حق في كلامك يا محمد
بس الموضوع مش المفروض إننا نتعجب عليه و بس
لازم كل الناس الرافضة للخلل ده تتصدى له
______________________
Ms Venus
صدقيني أنا كمان مش عارف أقول أيه
______________________
لولا وزهراء
لا يا زهراء ، موضوع الغاية تبرر الوسيلة ده مش موجود في الإعلان
على فكرة ، الإعلان كأعلان لو حانحلله من حيث عناصره و أدواته و الرسالة الإعلانية إللي بيقولها و الجوانب المختلفة
يعني لو حانحلله إعلانيا كعلم بدون النظر لمتوافق محتواه معانا
حايبقى إعلان ممتاز
كل جوانب النجاح موجوده فيه
لكن أنا بأقول إن وضع الإعلان ده أو ما يماثله في مجتمعنا وضع مش مقبول إجتماعيا
________________________
KING TOOOT

لــــ زهــــــراء ــــولا said...

وليد

-*-**-
على فكره انا كنت اتكلم على الاعلانات بصفه عامه لان بقى فيها حاجات نقدر نطلق عليها ما يسمى بخدش الحياء
واضح انك فاهم اعلانات تمام التمام وفرحانه اوى ان الاقى حد بيتكلم معايا فى الاعلان لان فى ناس كتير تفتكر ان الاعلانات دى حاجاه كده للتسليه وخلاص
بص يا وليد المفروض الاعلانات دى بتدخل كل بيت واى حد ممكن يتفرج عليها هل نقدر اننا نراعى كده بجد
ماحدش بيراعى كده لان خلاص ماباقش فى حاجه اسمها حياء ومعظم من يمتلك راس المال عاوز يكسب وبس مش مهم الاعلان ده بيتقال فى ايه موجه لمين
انا معاك انه مش ينفع اعلان زى ده يدخل بيت موجود فيه اب وام وابناء ممكن الابن يسال والده ايه ده يا بابا
اقولك على حاجه تانيه معلش انان رغايه
لو شوفت اى اعلان لاى فيلم هتلاقى انهم يتعمدوا ان العلان يكون فيه جمل من الفيلم لكن جمل غير محترمه بالمره ولو دخلت الفيلم هتلاقى ان فى مشاهد تانيه كان ممكن يتعمل منه اعلان لكن المنتج او الشركه المنتجه عاوزه عناصر جذب

فاهمنى يا وليد
فرحانه بالنقاش معاك جدا جدا

سورى انى دخلت اعلق تانى

زهراء

KING TOOOT said...

لولا و زهراء
شوفي يا ستي
أولا إنتي تعلقي في أي وقت من غير سوري ولا يحزنون
ثانيا أنا كمان فرحان جدا بالنقاش معاكي ، وده حقيقي مش كلام مجاملات
ثالثا بقى بخصوص الإعلان فأنا فعلا بأعرف في فن الإعلان كويس جدا ، لأن والدي واحد من أهم الناس في مجال الإعلان في مصر ، وخطط لحملات إعلانية مشهورة جدا على مدار أربعين سنة أشتغلهم في مجال الإعلان، وكمان أنا درست فن الإعلان في مصر و كمان في السويد و إتعلمت حاجات كتير ، أهمها هو إسلوب التحليل الإعلاني السليم
أمّا بخصوص إعلانات الأفلام ، فإنتي عارفة إن من مباديء الإعلان إنه يكون موجه لشريحة مستهلكين
وشريحة المستهلكين المستهدفه من إعلانات الأفلام بتاعة اليومين دول همّا شريحة الشباب ، والشريحة دي مطلوب إنها تبعد عن القيم المصرية بأي طريقة و بأسرع ما يمكن ، ومافيش مانع إن ده يتم وسط دعوى الحداثة و التقدم ، و هدم المفاهيم الجامدة ، وشوية الكلام الفاضي ده
لكن في النهاية لا يصح إلا الصحيح
ربنا يسترها معانا و مع عيالنا من بعدنا
خالص تقديري و إحترامي
___________________
KING TOOOT

Anonymous said...

أنا برده لما شوفت الإعلان ده قولت ايه قلة الأدب دي .. و فين أهالي البنات الصايعه اللي عملت الإعلان

الله يخرب بيت الكفره يا عم

موضوعك جريء و عجبني أوي

أول مره ازورك و أكيد ان شاء الله أكيد مش الأخيره

اعذرني لو كنت دخلت من غير دعوه .. رخامه بقا

يا ريت تشرفني في مدونتي المتواضعه

هنا

http://ahmedabdulmohsin.blogspot.com/

شكرا لوقتك

هموس said...

King Tout,
الاعلان للأسف هذه الأيام فاضح ولايوقر بيت يدخله ولا أفراد ملتفين حول شاشات التلفاز,,, فقط أصبحت لدينا ثقافة البورنوا موجودة ( ما أحنا متطورين اهو و كمان
Broad minded.

تحياتي