Pages

أربع سنين


أربع سنين من يوم ما شوفتك

أربع سنين من السعادة

أربع سنين أرواحنا دايبة

فرحانين

علشان قلوبنا العطشانين

تعشق زيادة

أربع شتاواي بردنين

أربع هزايم للشجون

وأربع عيون

وعشر صوابع مشبوكين

على حلم يكبر كل مادا

وكل مادا يزيد حنين

أربع سنين من يوم ما شوفتك

قلبي إلّي كان مالوش إرادة

قلبي إلّي كان عايش سجين

دلوقتي بيعيش الفرح

كأنه عادة

وكأنه فرحان من ميلاده

وكأنه عمره ماكان حزين

أربع سنين من يوم ما شوفتك

وعمري كله أربع سنين

7 comments:

صبرني يارب said...

كل سنه وانتم طيبين
وعقبال ما يبقوا اربعين



هاودوووووووني عنيهم مدوره المدونين
انا عارفاااااااهم

Unknown said...

قلبي إلّي كان مالوش إرادة

قلبي إلّي كان عايش سجين

دلوقتي بيعيش الفرح

كأنه عادة

وكأنه فرحان من ميلاده

وكأنه عمره ماكان حزين

000000000000

فعلاً الحب ميلاد جديد للقلب :)

عقبال مليون سنة و حب و سعادة و نجاح
و متقلقش ياملك اللى بيحب أقوى بكتيييير من انه يتحسد :))

ربنا يبارك فيكم

KING TOOOT said...

صبرني يا رب
وإنتي طيبة وبكل صحة و خير إن شاء الله و يبقوا أربعين في حياتك وتباركي لنا هنا بردو إن شاء الله
ههههههههههههههههههه
عنيهم مدورة ؟؟
ربنا يستر بقى
________________________
أحمد عبد العدل
أشكرك يا أحمد على تعليقك الجميل
قول بقى لصبرني يا رب لأنها خايفة علينا من الحسد وبتقول المدونين عنيهم مدورة
بس إحنا ماينفعش معانا حسد ولا بتاع
الحب يكسب
خالص مودتي
_________________________
KING TOOOT

Laila said...

جميلة
تحفة
اكثر من رائعه
كل بيت من ابيات القصيدة يجنن
مش باقول لك هي محظوظة موت ان جوزها بيحبها بالشكل ده
لانك صورة واقعية لحلم لكل ست
تسلم ايدك
وكل سنة وانتم طيبين

KING TOOOT said...

Laila
يا ستي أنا متشكر جدا على مجاملتك الرقيقة و تعليقك المشجع
تحياتي
_________________
KING TOOOT

مواطن مصري said...

اول زيارة لممدونتك و هتابعك بكرة لأني مسقط و داخل انام

بس سجلتك في الفافوريت

KING TOOOT said...

مواطن مصري
ألف شكر يا مواطن و أحلام سعيدة
زيارتك شرف ليا وللمدونة
في إنتظار تعليقاتك القادمة
تحياتي
KING TOOOT