Pages

الندى في الأصل منك


إستكانت بين إيديكي الدنيا

وإتفردت

ونامت

والورود من ضي عينك

فوق غصونها

إستقامت

والفراش لوّن جناحه

وإستحمى بالندى

والندى في الأصل منك

من أساس المبتدا

لمّا مره الحزن هوّب

جنب فرحك وإستباحه

بس يومها الفرح زاحه

من طريقه بكل قوة

زي واد عنتيل فتوة

كانت البسمات سلاحه

ياحبيبتي الأرض إنتي

والسما و كل المدى

يا حبيبتي الدنيا إنتي

والكواكب و الفضا

ياحبيبتي الجاي إنتي

وإلّي فات

و إلّي راحوا

7 comments:

Laila said...

عارف العاشق الولهان ؟
انت العاشق الولهان
انا مش عارفه انت بتكتب الكلام ده بالكيبورد او يمكن بروحك
تجنن
كل كلماتك تجنن
يابختها

ستيتة said...

للحق اقول
كلماتك غناوي
وصاحبتها تستاهل
ما شاء الله
حلوة حلوة
ربنا يسعد قلوب المحبين ويزيدهم رضا وحب وامان

KING TOOOT said...

Laila
إذا كان العشق ليها
والعشق طبعا ماينفعش يبقى غير ليها
فأنا طبعا العاشق الولهان
وطبعا بأكتب بروحي لما بأكتب لهاأو عنها
أشكرك جدا على تعليقك و متابعتك
وبجد يابختي أنا
______________________
ستيته حسب الله الحمش
نورتي مدونتي يا فندم وشرفتيني بزيارتك لمملكتي المتواضعة
خالص مودتي و تقديري
وأشكرك على زيارتك
وتعليقك
______________________
KING TOOOT

Unknown said...

يسلم قلبك و تسلم روحك

لمّا مره الحزن هوّب
جنب فرحك وإستباحه
بس يومها الفرح زاحه
من طريقه بكل قوة
زي واد عنتيل فتوة
كانت البسمات سلاحه

ربنا يديم عليك نعمة الجمال

تقديرى

صبرني يارب said...

ايه ده البوست ده نزل من ورااااياولا ايه

فى بوستات غريبه بتقع مني

جميل اوي اوي بجد كلامك

تسلم اديك

بخر بوبه عشان ليلى هاريها الحقيقه
ههههههههههههههههههه

KING TOOOT said...

أحمد عبد العدل
شرفت مدونتي المتواضعة و بجد أنا سعيد جدا إنك بقيت بتتابع مدونتي
أنا كمان متابع مدونتك جدا على فكرة
تحياتي و تقديري
________________________
صبرني يا رب
مافيش بوستات ممكن تنزل من وراكي يافندم
هو إحنا نقدر ؟
عموما أنا إشتريت بخور هتدي و بخور جاوي و خمس خرزات زرقا إحتياطي
هههههههههههههههه
ربنا يستر
خالص مودتي
________________________
KING TOOOT

Laila said...

وهل ممكن اي واحدة تسمع الكلام الجميل و الشعر الهايل ده و ماتتمناش انها تكون صاحبة الالهام للشاعر
كلنا هاريينها حقد و حسد طبعا مش انا بس