Pages

في ليلة القدر

في ليلة القدر بأدعي لك

و بأهدي لك خشوع صوتي

و قلبي بيجري و يجيلك

و يخفي كلامه في سكوتي

في ليلة القدر أنا بأشكر

إلاهي و بحمده عليكي

و أصلي كتير عشان أقدر

أكون فعلا جدير بيكي

ووقت الفجر أسيب نومي

و أقوم ألقاكي بتصلي

تزول عني هموم يومي

و كُل المر بتحلي

و أنام بالليل على صوتك

وهو يرتّل القرآن

و أشوف دمعك على رموشك

مزوّدهم خشوع و إيمان

ولا عمرك في يوم كنتي

طريق بياخدنا للأحزان

حقيقي الزوجة لو إنتي

بتبقى هديّة م الرحمن

2 comments:

ليس فقيرا من يحب said...

السلام عليكم

كل سنه وحضرتك طيب

عيد سعيد على حضرتك والاسرة الكريمه

KING TOOOT said...

ليس فقيرا من يحب
أشكرك جدا على تهنئتك الرقيقة
جدا جدا
تحياتي و إحترامي
KING TOOOT