مين بقى مسئول عن موته

على أثر الإعتداء الآثم على مواطن مصري
داخل حدود السيادة المصرية
بأيادي عسكرية
من فوق سفينة إمداد أمريكية

الواد شادد حيله و طالع

يشقى على رزقة و قوته

و مايعرفش بإن الطالع

كان بيحضّر يوم موته

ركب المركب

أدّف جامد

راحت المركب

فورا عامت

فجأة رصاصة

من القناصة

كتمت أنفاسة و صوته

مين بقى مسئول عن موته ؟؟؟

مين بقى مسئول عن موته ؟؟؟

من غير خلاص

من وسط أغصان الزتون

فيه غصن مات

ووراه كتير أغصان تموت

و تموت بلاد

و يموت ولاد

و تموت بنات

كانوا على الفجر إللي فاضل

يحلموا

وحلمهم مَلو العيون

دلوقت بدل الحلم دم

او دموع

تملى عيون الأمهات

من كتر حزن

من كتر غم

و الكون بناسه كيان أصم

و كأن جرح في جنب كلب

أصبح أهم

من موت ملايين البشر

في غزة من طلق الرصاص

او مدفونين تحت البيوت

من غير خلاص

من غير وداع

من غير كفن

من غير تابوت